《大叔的愛》愛巢公開！原來係尖沙咀Airbnb！只需$1,680/晚 同田田、阿牧瞓同一張床｜網絡熱話
廣告
《大叔的愛》成為城中熱話，飾演凌少牧的Anson Lo啱啱過去嘅廿六歲生日更是人人談論！有網民就眼利發現《大叔的愛》田田（Edan@Mirror）同阿牧（Anson Lo@Mirror）嘅愛巢竟然喺 Airbnb有得租，每晚房費更只需 $1,680起！想同田田坐同一張梳化，阿牧瞓同一張床？即睇呢間《大叔的愛》 Airbnb 喺邊度，睇到最底有預訂網址！
撰文：熙燈喱｜圖片：ViuTV、Airbnb
《大叔的愛》愛巢公開！ 原來係尖沙咀Airbnb每晚只需$1,680
如果你係神徒（Anson Lo 粉絲名稱）或者爵屎（Edan粉絲名稱）就唔好錯過大好機會，瞓佢哋瞓過嘅床、攤過嘅梳化！呢間 Airbnb 位於尖沙咀海旁一帶，《大叔的愛》劇中田田雖然講過呢間屋只得兩房，所以可以分間房畀阿牧住，但現實中呢間Airbnb其實有3房，即刻約多2位朋友一齊打卡。
梳化、餐枱格局一樣
雖然明顯地 Viutv 有為《大叔的愛》一劇重新添置一啲傢私，配合真實住屋環境，但大致上梳化、餐枱格局都一樣，最重要係可以瞓番 Anson Lo、Edan 瞓過個張床，各位鏡粉老公唔使諗去邊度 Staycation 啦，即 book 呢間 Airbnb 一定夠晒冧。
不過間房就明顯有少少大執位，神徒、爵屎們可能要入到屋先對到張床係邊張，賴死喺張床唔走啊！
有廚房Open Kitchen 回味挽留＋浴室初吻一幕
廚房就少咗個大雪櫃，但如果想學阿牧煮住家菜畀田田食，一樣可以用廚房落廚！而最後當然唔少得浴室初吻一幕，諗番起都令人心動啊～
KK早過阿牧住呢間屋？《逆流大叔》導演發現驚喜！
《逆流大叔》導演陳詠燊就發現，原來《大叔的愛》所租用的 Airbnb 其實是同《逆流大叔》同一間，而黃德斌正正同樣係《逆流大叔》及《大叔的愛》出演，咪即係 KK 會發現自己鍾意嘅人同現任住喺自己舊居？媽啊！我好亂啊～
間屋就非常搶手，想連住幾晚就有難度喇，不過3間房，屋主就寫最多可以住12人，每人除開每晚 $300 左右，喺田田間房其實仲望到尖沙咀 A2 出口，證明地理位置非常方便，即刻快手訂啦。
預訂網址：Airbnb
