外賣
外賣

送外賣驚見女友出現陌生男人家疑過完夜 攤牌時竟反客為主:超厚面皮

網絡熱話

廣告

男女之間真的會有純友誼?男女同住一定會有關係?俗語有云:「綠帽唔怕戴,最緊要除得快」,早前有男網友表示有一次打工送外賣,對方開門時驚見女友,期間屋內更隨來男人聲,事主質問女友,女友沒有解釋,更反問男友為甚麼做送外賣,結果男友嬲到嗌分手!

事主做送外賣賺錢

早前有男網友在討論區大呻女友派帽事件,事主表示自己因為屋企問題,放學後會打工,做PT、補習、送外賣等,「之前送外賣都揾到20K一個月,以學生嚟講我覺得搵得算唔錯,所以一直keep住做」,但女友曾表示不想事主做送外賣,除了少了時間陪她,亦覺得男友讀大學竟然去送外賣不夠得體,「 當然佢可能都係care我喺佢啲姊妹面前嘅形象啦」。

女友 最近有男網友在討論區大呻女友派帽事件,事主表示自己因為屋企問題,放學後會打工,做PT、補習、送外賣等。
最近有男網友在討論區大呻女友派帽事件,事主表示自己因為屋企問題,放學後會打工,做PT、補習、送外賣等。(圖片來源:Dcard截圖)
外賣 女友
(示意圖,非當事人)(圖片來源:TVB《金宵大廈2》劇照)
外賣 示意圖,非當事人)
(示意圖,非當事人)(圖片來源:TVB《金宵大廈2》劇照)

女友不喜歡男友做送外賣

事主其後一直有繼續送外賣,不過因為知女友不喜歡,所以沒有特別向女友交待返咩工,只會交待返補習。有一日事主如常接order送外賣,送到去一棟屋苑,㩒門鐘等了約30秒,一聽到開門聲事主就大聲說「外賣 」,怎料事主竟然驚見是女友開門。

女友 事主其後一直有繼續送外賣,不過因為知女友不喜歡,所以沒有特別向女友交待返咩工,只會交待返補習。
事主其後一直有繼續送外賣,不過因為知女友不喜歡,所以沒有特別向女友交待返咩工,只會交待返補習。(圖片來源:Dcard截圖)
外賣 示意圖,非當事人)
(示意圖,非當事人)(圖片來源:TVB《金宵大廈2》劇照)

送外賣驚見女友在陌生男人屋企

事主見到女友化淡妝,穿著一套短袖睡衣和拖鞋,其間更隱約聽到有個男人聲。事主感到十分意外,「望住佢呢身打扮,連我自己都懷疑係咪佢,我同佢對望定咗幾秒,confirmed,隨即佢就係我手上拎咗個外賣,然後閂咗門,得返我一個人呆企喺到,嗰刻我成個腦都空白咗」。

外賣 示意圖,非當事人)
(示意圖,非當事人)(圖片來源:TVB《金宵大廈2》劇照)

女友一句話成分手導火線

事主冷靜過後就詢問女友在那裏,「因為原本嗰日佢同我講話約咗班fd去其中一個人屋企玩,佢話喺朋友屋企,然後我就直接問佢啱啱嗰個係咪你嚟,我問之前喺個腦到想像咗幾個佢會回答嘅答案,但佢竟然第一句問我,點解你仲做緊外賣,我覺得我哋已經唔喺同一個頻率講嘢,所以後來我直接block咗佢,連解釋嘅機會都無俾佢。」

外賣 女友 事主見到女友化淡妝,穿著一套短袖睡衣和拖鞋,其間更隱約聽到有個男人聲。
事主見到女友化淡妝,穿著一套短袖睡衣和拖鞋,其間更隱約聽到有個男人聲。(圖片來源:Dcard截圖)

網民大讚事主做得好

不少網民紛紛留言,大讚事主做得好,早走早著!「綠到一個點,可能係SP/FWB?」、「係緣分呀,不過係孽緣,早啲睇清都好呀,加油brother」、「你女朋友會唔會太膚淺,讀大學仲可以出去搵錢其實好叻」、「先唔講係咪帽咗,狗眼看人低已經係死症」、「飛得快,好世界,樓主除帽都型過人」、「條女都係做緊外賣啫!飛得快,好世界」、「有時啲嘢冥冥之中自有安排,係要撞見阻都阻唔到」、「唔怪得嫌你送外賣啦,佢外賣仲高價過你」、「其實做外賣閒閒哋月入都高過一般文職,為咗臉子同錢過唔去?唔好咁癲啦」。

資料來源:Dcard

關鍵詞
網絡熱話
圖片來源:Dcard截圖、TVB《金宵大廈2》劇照