外傭姐姐大鬧僱主片段爆紅！現身解話拍片只想為同胞發聲：做老細可唔可以體諒下姐姐？｜網絡熱話

Mar 28 2022

早前有位外傭姐姐，在網上發布影片，連環喪鬧香港僱主對不友善對待外傭，更爆出多個金句，「有錢大晒」，「你依家試下請工人，請到咩？」，令工人姐姐爆紅！不過，早前她再度拍片解話，指現時僱主對她本身都是友善良好，拍片只是想為同胞發聲，更希望其他僱主可以與姐姐互相體諒！

外傭姐姐喪鬧僱主爆紅：有錢大晒？

早前有位外傭姐姐，在網上發布一條影片，喪鬧香港僱主，指僱主們「有錢大晒」！在影片中，姐姐一邊食飯，一邊以不屑目光面對鏡頭，言談間暗指僱主對待差！「有錢大晒呀，你而家試吓請工人，請得到咩？」

「你畀錢幾多啫，4千幾咋嘛，4千幾有幾多，仲幫你24小時，你話，放假又冇得放，仲講！工人都係人嚟㗎，唔係機械人呀，你要做乜就做乜，你要講乜就講乜，係，你係老闆，乜都啱晒，你唔使請人啦自己做啦，好簡單，係咪呀！」

早前疫情嚴重，有不少僱主都希望工人放假不去跟其他姐妹聚會，乖乖留在家休息，工人更暗串人工少，但又無假放！

外傭外傭姐姐的不屑樣，加上爆出多個金句，成為紅人。 — 外傭姐姐的不屑樣，加上爆出多個金句，成為紅人。（圖片來源：Youtube@contrinx’s fansclub）

外傭當中「有錢大晒」，呢幕經典。 — 當中「有錢大晒」，呢幕經典。（圖片來源：Youtube@contrinx’s fansclub）

此片一出旋即爆紅，姐姐的金句在僱主群組、甚至全香港瘋傳，不少人都擔心姐姐的去向！

拍片只想為同胞發聲：做老細可唔可以體諒下姐姐？

不過，最近她再度拍片，今次她就收起一臉的一不屑樣子，更大指現時她的僱主非常好人，影響到僱主真的非常不好意思。當初拍片的目的，只是希望為其他同胞發聲，無意引導其他外傭成為無禮的人。

她指外傭姐姐都是離鄉、甚至離開自己的仔女，去到僱主家打理一切家務，無論清潔、買餸、湊仔、照顧老人家，姐姐都只是一個月收$4,600 。她希望僱主們與姐姐能互相體諒，有時候顧主都可以關心姐姐「你做得開心嗎？」。

外傭今次姐姐「從良」，指片解釋當初爆金句原因，原來是想僱主體諒姐姐們。 — 今次姐姐「從良」，指片解釋當初爆金句原因，原來是想僱主體諒姐姐們。（圖片來源：Youtube@contrinx’s fansclub）

除了叫僱主關心姐姐外，她更加指僱主也需要教導姐姐工作。「不是每一個人一去到就會識做，每個人能力都唔同，唔應該話人點解咁蠢，有咩事咪講出口，教導佢。」她指現時僱主都會不時提點她，而以前她曾為新加坡前僱主工作長達6年，當時僱主也是慢慢調教她，甚至當她是親人一樣，就算她離開了新加坡，僱主都會飛到香港探望她。