坪洲可以搭的士去荃灣？的士司機接到奇怪單 網民留言超爆笑！ ｜玩樂熱話
廣告
坪洲向來都人離島好去處，不少人都會趁得閒時去遊玩，輕鬆下。最近有的士司機接到由坪洲出荃灣的訂單，令他大感無奈：「真係唔明點會有呢啲單」！
客人call的士由坪洲出荃灣！
近日有的士司機於網上分享指接到一個勁奇怪的單，該名客人召的士想由坪洲龍母廟前往荃灣。司機見到行程後百思不能其解表示「真係唔明點會有呢啲單」。
眾所周知，要去坪洲有2個途徑，分別是由中環坐船或由愉景灣坐船前往。要由坪洲去市區唯一方法便是從水路，而該張的士單根本是不可能任務！
網民爆笑留言！
網民留言超爆笑：「係咪要搭船接佢」、「要搭過海的士」、「你攞正牌唔過海」，有網民更笑言該客人其實想叫水上的士，但搞錯了才變成用App call車！
網民偵探上身拆解迷團：一切都係誤會！
有眼利的網民就發現該客人是英語客人，猜測其對中文字不熟悉。網民偵探上身表示已拆解迷團，指出除了坪洲外，荃灣老圍村同樣都有龍母廟，因此推測該客人是在App定位時按錯地址，「因為佢輸入龍母廟之後求其揀個，睇到就知圓玄嗰個」，其實他身在荃灣老圍村的龍母廟！
資料來源：Facebook群組@的士司機資訊網 Taxi
如何前往坪洲？
可以由中環坐船到坪洲，普通渡輪約船程40分鐘，快速渡輪約…更多詳情
圖片來源：Facebook群組@的士司機資訊網 Taxi、新假期編輯部、IG@mtrhk、TVB《降魔的》劇照
