女仔過30都單身注定無男人肯埋單 6大終極死因吊高嚟賣未算最惡頂：實後悔
單身女人一過30難有男人認投 過百網民列6大終極「死因」
近日討論區上有人以「點解個個都話女人一到左30歲就好難搵過個男人」為題，討論女性年紀大即難找到新男友的原因。他指出因為單身的男人普遍不會選擇 30 歲的女人，而 30 歲的女人正常都已經準備結婚，好奇「係單身男人普遍有得揀都會揀後生，定係30歲女人揀得嘅都已經有女或者準備結婚」？在短短 3 日間，已有數百則留言回應事件，網民更歸納出 6 大原因。
原因1：一拍拖就要結婚嚇死人
網民指出 30 後的女人「多數想一拍拖就結婚生仔」，容易給人一種「猴擒同畀壓力人」，相反男人不會因為女生「就嚟唔生得就三扒兩撥結婚生仔」，反而不會想與 30＋ 的女生一起。有網民分享朋友經歷，指女友 33 歲拍了兩個月拖即迫婚「一副想搵人埋單嘅樣」。
原因2：老女人都是性格難頂
很多網民都覺得 30 歲後尚在單身的女人，都是「性格難頂無人要嘅老女人」，同年齡的男人有更多選擇權，都會選擇年輕的，直指「30歲都單身個性格一定有問題」。
原因3：男人想生仔一定搵後生女
另一個被普遍認同的原因則是生理因素，有不少網民都指出 30 歲後要結婚的男人「要生仔緊係搵30以下」，身體條件更好，直指「想結婚生仔嘅真係冇可能揀你」。
原因4：自身價值每年下跌
不少網民都同意女人一旦過了 30 歲，自身的價值會每年不停下跌，「30歳男人先事業開始發揮階段，女人已經冇價值」，與其要找 30 歲以上的女性做另一半，不如找更年輕的。
原因5：年紀大仲吊高嚟賣
也有網民提出 30 歲的女性有一定的薪金「唔肯屈就同個人工低過自己嘅一齊」，然而每年的追求者質素也會愈來愈差，如果肯面對現實「唔理好醜係一定搵到」，可惜很多女人依然「吊高黎賣」才令自己一直單身。更指不少30歲以上的單身女對後生一代總是「睇唔過眼」，「人哋細個搵得多錢就話人做不正當職業或者貪錢，後生無腦所以多人鍾意，死都唔認自己條件差過人」，總是認為自己高人一等，不愁寂寞。
原因6：男方不想幫人埋單
不少網民的評論都非毒舌，指出很多 30 歲的女人已經拍過幾次拖「畀人玩到殘晒」，自己才不想「幫人埋單」，認為「30歲玩夠搵人埋單唔同以前搵仔尋歡」，男人也不會蠢到隨便幫人埋單。
網民力撐 30 歲單身無問題： 30 歲先最正呀！
雖然有不少人都認為女人 30 無戀愛價值，但也有不少網民力撐女人 30 歲仍單身根本不是問題，更以胡定欣為例，指「佢又係自己一個冇仔咪一樣多姿多采」、「女30 歲先最正呀，有經驗仲有骨膠原、 有歷練、仲要輕熟，一流呀！」、「2023年女人唔結婚有咩問題？用有冇男人/另一半去judge一個人性格或者品格勁膚淺，估唔到仲行緊三十歲前要買樓結婚生仔完美生活嗰種copy cat人生」，更有網民認為是想「迫啲剩女接受劣質男人，本身唔結婚唔生仔係冇問題，但社會一定要人做低等齒輪」，為女人感到不值。
