私家車司機泊車連霸兩個停車格！網民表示不滿：車牌係點考返嚟？| 玩樂熱話

自私司機泊車連霸兩個停車格

香港人多車多，不時都會因為空間問題而引起爭執。最近就有港男在討論區中發文，帖文中見到一輛銀色私家車泊車方式寧舍與眾不同，該車主用頭入泊車方法之外，更騎線泊正兩個停車格中間，不少網民都批評車主：極度自私！

港男在文中不滿地表示：「又唔係靚車，都泊成咁」。他亦不解為何這架私家車連霸兩個停車格，都可以左邊車身「拉晒花」（有刮花的痕跡），為何還會怕別人在泊車期間碰撞到車主的愛車，而故意自製較大的停車格。

帖文一出，有網民都紛紛留言聲討泊車連霸兩個車格的車主，「呢啲正X街，車位已經少，成日貪方便，停咗就算」、「香港就咁多無公德心既X街」、「佢有冇入兩個錶位錢？」

有網民「偵探上身」重組事件真相

亦有網民「偵探上身」決定重組泊車的案情，並指：「拉曬花 … 可能你睇唔到真正情況，車主可能不是泊車泊得衰，要霸住泊兩個位，而係習慣性攝係兩車中間」所以當左方的車離開時，就一下刮花該輛銀色私家車。

同時亦有網民表示:「你誤會咗佢啦，佢爛身爛世驚整到人架車」、「好辛苦先可以泊到咁直了」、「唔俾人泊都係為人好、佢連鈴都前後不同、都係d碰碰車揸法同無錢賠」

有人質疑車主:「泊車泊成這樣，車牌是如何考回來的？」同時亦有網民曲線話車主：「其實車主想展示駕駛技術，架車騎正白線中間，唔易做㗎」。

資料來源：香港討論區