反擊西客！OL茶記食$30午餐畀金牛找散伙記去銀行排隊「唱」足一粒鐘｜網絡熱話

熱話

新假期

Jun 15 2021

在西客之道上指有一名OL在茶餐廳食嘢時只用$30，而且明明有散紙卻要用$1,000蚊紙結帳順便找散，儘管茶記收銀指唔夠錢找，OL仍堅持要用$1000紙結帳，最終伙記出去銀行唱散紙唱足一個鐘，令OL崩潰「我返工遲到，我比散紙你埋單啦！」

撰文：GW｜圖片：新傳媒資料庫｜資料來源：西客之道

西客食$30午餐堅持俾$1,000

投稿者表示其工作的茶餐廳只是平民餐廳，OL食完$30 Lunch，堅持俾$1,000，$500元或者都找得開，但晨早流流根本無可能夠$100蚊紙找，OL客唔肯收$10同$20蚊紙，就決定同西客鬥西，叫伙記去銀行慢慢唱錢，由佢等足一個鐘。

OL於茶餐廳用膳，午餐只是，但OL結帳時就拿出一千元紙，堅持沒有散紙。（圖片來源：新傳媒資料庫） — OL於茶餐廳用膳，午餐只是$30 ，但OL結帳時就拿出一千元紙，堅持沒有散紙。（圖片來源：新傳媒資料庫）

明明有散紙卻在早晨時段為難伙記，伙記便以「西客之道」反擊。（圖片來源：資料圖片）

撰稿者投訴西客原文

希望咁多位貴客要知道舖頭係冇義務去幫各位打散你地啲大紙，一個係咁兩個咁，個個都係咁…係咪各位搞錯左啲咩呢？

我地係一間都幾平民嘅餐廳，即係一個早餐30蚊都有交易嗰啲，唔好話500蚊紙啦，100蚊紙都好少見，朝早就塞張大紙過嚟，500蚊都叫有可能找得開，1000蚊紙找乜嘢呀？

某一日朝嘅9點幾，OL女一名拎住張1000紙嚟埋佢30幾蚊嘅單，我即時反白眼！

我：小姐，有冇細張少少嘅？冇咁多散紙找唔開。

OL女：冇喎，我就係想你找散比我呀嘛！

我：我地都冇咁多100蚊紙係到，我找哂10蚊紙同20蚊紙比你得唔得？

OL：散成咁梗係唔得啦！

我：咁你一係放低啲嘢係到抵押，出去唱散完返嚟埋單得唔得！

OL：點解要我放低啲嘢做抵押呀，你地自己出去唱囉，我而家比左$1000，等住你地找返900幾蚊比我呀！

其實我就望到你個銀包入面藍色，緣色，紅色都有嘅，都係要拎張金色出嚟，就唔好怪我地唔客氣啦！

我就叫左另外嗰個同事出去幫我唱錢，仲特別交帶落唔需要急架，最重要啱！

收銀同事叫伙記去銀行唱散00蚊紙，「仲特別交帶落唔需要急」。 — 收銀同事叫伙記去銀行唱散$1000蚊紙，「仲特別交帶落唔需要急」。（圖片來源：資料圖片）

15分鐘過後，OL女：得未呀，唱個錢要咁耐咩？

我：係架，朝早係難啲唱錢架啦！

半個鐘之後，OL女：有冇搞錯呀，你地係咪偷錢架，咁耐嘅！

我：當然唔會啦，我地同事係銀行排緊隊，好快就到佢啦！

OL：去銀行排？周街都係舖頭你地唔識唱？

我：唱錢梗係去銀行啦，唔係去邊到唱？

9個字之後，OL女：你同事返嚟未架？我返工遲到啦！

我：係囉，真係有啲耐，請你再等等！

OL女：其實我有散紙架，我而家就埋單，唔洗唱散好唔好？

我：但我地同事出左仲未返，仲差你900幾蚊未找返呀！

一個鐘之後，同事終於返嚟！

我：小姐呢到找返你9XX蚊，多謝！

佢走嗰陣我仲咇左個西到爆嘅笑容講：多謝哂，下次見！

其實同事過隔離舖唱錢只係5分鐘，不過去左第二到食埋個早餐先返嚟啫，早知叫佢買埋餸先返嚟啦！