港男得知中學初戀情人回復單身 想放棄拍拖10年完美女友食回頭草｜網絡熱話

港男擁拍拖10年完美女友

該名港男一開首就直言「可唔可以大大力X醒我」，他指，中學時期拍過2次拖，現任女朋友是第二次，樓主是她初戀，更形容她是「接近完美嘅女友」，因為她不煙不酒、身材樣貌都不錯，她不追求奢侈品，平日吃茶餐廳也可以，節日更不需要特別慶祝。

而且二人一同經歷了很多事，女方當年更「力排眾議」，即使家人反對仍堅持與讀不成書的樓主一起，樓主事業不濟時也沒有嫌棄他，到樓主事業開始上軌道，「開自己公司嘅時候一星期見唔到一次亦無怨言」，算是100%好女友。

同居2年未能好好磨合感情變淡

拍拖約7、8年後，樓主成功買樓並與女友同居，但並沒有想象中的甜蜜，樓主指「可能大家都係出生係中產家庭由細有工人姐姐照顧」，因此二人常為家務問題起爭執，樓主指狀態是「由大家唔做、到大家做、到我做晒、到俾人話做晒但做得唔好」，有感即使同居2年但「磨合期到依家都未結束」，明明拍拖7年多仍是愛得火熱，卻因為同居「日覆日嘅嘈交好似令雙方都淡咗」，樓主只是靠「不停提醒自己呢個女人用佢自己10年青春做賭注同你一齊，所以好多嘢最後都忍咗落嚟」去維持感情。

得知初戀情人回復單身想食回頭草

就在樓主覺得二人感情變淡時，無意間發現中學時期的初戀女友與她男朋友分手了，樓主直言該初戀情人「一路以嚟佢喺我心目中都係特別嘅存在」，更會不時關注對方，「知佢拍拖、見到佢畢業成功搵工之類，都會喺心入面戥佢開心」。

也因為一直沒有真正放下初戀情人，樓主萌生吃回頭草的念頭，直言「好想放棄依家有嘅嘢重新追佢一次」，更指自己假如真的和現任分手，「樓、公司收入、所有值錢嘅嘢都歸佢」，最後指「理性上一定保持現狀，感性上好想試一次」，因此發文希望網民「留個言X醒我」。

網民鬧爆：你呢種垃圾配唔起你現任#132

樓主發文短短5日已得到5千多個負評，不少人都鬧爆樓主「人哋同你同甘共苦十年、依家先想追返條舊菜 ，不過支持你去馬，你一定會後悔」，也有網民指「好多嘢係樓主隔住個mon幻想出嚟，根本個初戀好可能已經變咗另一個人」，獲得網民同意；亦有網民指即使樓主想吃回頭草，初戀情人也不一定對樓主有留戀，「到時兩頭唔到岸，仲輸晒成副身家」。

有網民苦口婆心力勸樓主「好好珍惜身邊嗰個啦」，指二人最大問題是家務，「請個工人咪解決到」，關鍵是樓主是否有心；更有網民建議樓主「block咗你ex，唔好再睇關於佢嘅任何嘢，鍾意係一種感覺，愛係一種選擇，你愛現任嘅，就唔好比自己有任何陷阱」。樓主最後回覆指「決定del曬所有搵到ex嘅方法」，專心對待女友！

原文截圖：

資料來源：連登討論區