公屋女提早落車扮住居屋男友：越無錢越鐘意充大頭鬼！網民：其實心態最重要｜網絡熱話

Oct 27 2021

網絡有名言指「住公屋是人生勝利組」，因為各方面的支出都較少，但同時也會有不少問題，因此「公屋出身」依舊被認為是低下層人士。早前有網民出post，指自己某天駕車接女友人回家時，對方回答居屋地址，隱瞞自己住公屋的事實，加上平時喜歡「充大頭」，令樓主相當疑惑為何要這樣做。

撰文：新假期編輯部｜圖片：劇照、討論區截圖｜資料來源：連登討論區

公屋女被逼講住址公屋住客身份人人都知

樓主指，這名住公屋的女友人好像很怕被人知道自己住公屋，某次和她去購物時，售貨員需要她的住址幫她完成VIP登記，對時好「面有難色唔肯講」，後來售貨員指只說大廈名稱則可，不用詳細住址，她才勉勉回答，因此大家都知道她住公屋。

女友人因為登記VIP被全世界知道自己住公屋。（圖片來源：TVB《愛回家之開心速遞》截圖）

提早落車扮住居屋寧願自己落車再行

後來有次樓主載該女友人回家，問女友人住哪，女友人竟然回答附近一個居屋的名字，樓主覺得驚訝，因為明明知道她並不是住該居屋，於是認為她「寧願自己落車行遠啲返去都唔話俾人知（自己住公屋）」。讓樓主覺得相當奇怪。

平日喜歡充大頭proud of 自己會亂洗錢

樓主又舉例，指有時見到一些無謂不實用的東西，就不會買，希望省下金錢，但該女友人則會「話我慳埋啲無謂錢」，樓主又指她當會「好proud of 佢自己會亂洗錢」；平時又會強調自己是坐的士出入，令樓主覺得厭煩，最後更直言「屋邨X真係特別鍾意充大頭嚟掩飾自卑」！

網民同意「越無錢越鐘意充大頭鬼」

不少網民都表示同意樓主所言「越冇錢越鐘意充大頭鬼」，直言公屋仔女「鐘意買靚錶靚袋追名牌，call uber，ig 99% post 住靚酒店staycation食好嘢」，又指住公屋的人「心裏面好自卑但就要面同人講住公屋好爽」，所以才有「住公屋是人生勝利組」的說法。而住私樓的一批反而非常低調，但即時被另一網民K.O，指住私樓非故意低調，而是「因為佢地唔自卑同時都離地唔起」，獲網民讚好。

有網民同意住公屋的人都喜歡裝做自己不是住公屋。（圖片來源：LIHKG討論區截圖）

有網民指住私樓的人通常比較低調，卻被反駁只是「因為佢地唔自卑同時都離地唔起」。（圖片來源：LIHKG討論區截圖）

女人想保護自己好正常勸不要被住屋綑綁

但有網民則指出，該女友人是「唔想俾人知住邊度，有安全意識都唔得」，並非刻意隱瞞住址。但也有網民認真回覆，指「心靈富足嘅話，住屋邨都唔會自卑唔會覺得失禮」，也有網民指最重要還是心態，「有能力邊個唔想住好啲嘅環境，無能力知足咪得，無必要充大頭」，更指現金社會「講真出身有幾多人理，你性格同能力係點更加重要」，不要被住屋綑綁人生！