45歲未夠公屋中佬準備半退休！擁7位數積蓄自在人生做保安｜網絡熱話

「5無」公屋中佬準備半退休

事主表示，自稱是「5無─無妻、無兒女、無車、無樓、無學位」的他有的是要交1.5倍租的公屋及辛苦勤工作儲下來7位數字的積蓄，打算在工作了廿年的公司倒閉後就開展半退休人生、「打風流工」當時薪50元的保安員，貪其節省上、下班交通時間，又可有少許收入不至「食老本」；

加上有機會投資股票或股息的被動收入，知足的他認為「在香港有公屋真係人生勝利組」，以上的收入令他「夠食夠使」，希望人生若以70年計，20年讀書、25年工作，剩下的25年就應忠於自己；更直言「願望係唔好有大病痛，唔好太長命」。

積極與網民交流惹羨慕 分享3觀：人生觀、愛情觀、家庭觀

對於事主的非一般的見解，不少網民深表贊同，有網民表示「我同樣40左梗，多你2樣有樓有學位，生活唔見得俾你開心」；。

又有網民認為「你已經好幸福，我都想人生係咁」、「錢夠使就好，當一家人為小小錢而爭執，係好醜陋」、「做人知足就好，不需同人比較，亦唔好諗住靠人」

人生觀

事主分享「有一位親戚過身，1兒1女都已成家立室，病發時仲返緊工，事出突然，當時不過65-70歲，無點享過福，回顧人生只係工作、工作再工作，做人的意義係咩，我呢位親戚的仔女，最後都為咗好少好少錢反目」。

可能事主覺得「錢夠使就好」，又提出一反常理的見解，認為「千祈唔好做體檢，知道血壓高糖尿，就咩都唔食得，做人仲有咩樂趣，小病是福，就算突然患絕症，唔好醫，只要減輕病楚嘅藥」。

愛情觀

有網民反問「何解唔需要女朋友？」、「唔使解決性需要？」，事主理直氣壯地表示「搵個人管自己？傻的嗎？仲未受夠港女氣？」、「為解決性需要，就要女友、老婆或者雞？我嘅格言係：無對手不如搵對手，無謂益啲女人，而且家有3隻貓，佢哋唔歡迎任何人去我屋企」。

另外有網民質疑事主是「被嫌棄、玩弄的典型窮悶男，得不到就自欺欺人」，他反駁指出，「我唔叻唔靚仔唔高大，但因為事事以家、貓為先，令非港女留下好仔的印象，我都真係無追過女，從來只有俾人追」。

家庭觀

事主回應網民「中國人心態就係喜歡留財產俾仔女」的看法，他表示「我無兒無女，將來一定不會結婚，依家拖都唔想拍，我細佬妹都一樣，到我不在，留錢俾細佬妹，但我哋全家都無下一代，而媽媽又竟然無反對」，更向指責他是「廢物」的網民反擊，「我會請晒全家去旅行，食自助餐又全包，作為大仔的我對屋企的付出媽媽是知道的」。

原文：

資料來源：香港討論區