公仔麵煮麵方法惹網民爭論！「水留低做湯底」 vs 「水有怪味一定要倒」 | 網絡熱話
廣告
公仔麵煮法點先叫正宗？繼早前有網民爭論煮麵應該凍水定滾水落之後，最近有網民提出另一個問題：煮麵水應該留低定倒咗去換新水再落味粉？公仔麵真的有很多種煮法，大家喜好各有不同！今次大家都激烈兼理性地討論，諗下你平時點樣煮麵，睇睇你係邊一派啦！
撰文：新假期｜圖片：新假期資料室｜來源：香港討論區
公仔麵煮麵水倒定唔倒？
哥：煮公仔麵水唔會倒、妹：啲水有怪味一定倒
事源一位身為哥哥的網民，早前喺討論區出post，話自己煮公仔麵時會留返煲水做湯底，但佢阿妹就認為煲水煮完麵會有怪味，所以會煮多一煲水做湯底，但阿哥就認為太麻煩，所以出post問網民意見。
網民：阿妹煮法係煩啲但較健康
大部份網民都表示阿妹煮法比較好，因為麵水感覺唔乾淨，換一換水感覺會比較好，加上煮麵時，炒麵所用的油會融落水中，所以換水可以吸收啲油，感覺健康少少。
更有網民熱心地Share自己的獨創食譜，可以善用一碗水，又快又好食。
另一類網民：換水太麻煩
當然亦有網民表示換水太麻煩，所以都會一煲過就算，而且會凍水落麵，感覺最好味！
不過其實何謂公仔麵正宗煮法，真係無標準答案，只要自己食得開心就得啦！大家煮麵時又有咩特別習慣呢？
撰文：新假期｜圖片：網上圖片｜來源：香港討論區
