大帽山
大帽山

入冬後最凍!大帽山朝早跌至0.2度 市民凌晨冒雨睇結霜 未來幾日繼續凍?

熱話

廣告

由上周末開始,天文台預料一道冷鋒橫過沿岸地區,天氣非常寒冷!週末時唔少人嘅皮褸、羽絨、防風防水褸通通岀動。而今晨(2月21日)大帽山更只錄得0.2度,咁凍嘅天氣亦吸引咗一大班追霜一族,情況係點呢?

入冬後最凍!大帽山朝早跌至0.2度 市民凌晨冒雨睇結霜

強烈季候風正式來襲,香港呢幾日嘅天氣寒冷有雨,今朝(2月21日)天文台總部錄得攝氏7.5度,創咗入冬以來最低氣溫嘅記錄!天文台亦提醒大家,位於高地氣溫顯著較低,有可能會岀現結冰嘅情況!

大帽山 凍
(圖片來源:香港天文台截圖)

「真係冷得我騰騰震呀~」天文台嘅資料顯示2月20日下午時分,大帽山錄到低過0.6度,不過低處未算低,今日早上(2月21日)氣溫更跌到得返0.2度。而每逢呢啲凍冰冰嘅時候,都會吸引唔少人上大帽山睇結霜,有唔少「追霜一族」喺凌晨時分冒着風雨上山打卡!

大帽山 2月20日下午時分,大帽山錄到0.6度
2月20日下午時分,大帽山錄到0.6度(圖片來源:香港天文台截圖)
大帽山 凍 2月21日早上氣溫跌到0.2度
2月21日早上大帽山氣溫跌到0.2度(圖片來源:香港天文台截圖)
凍 攝於大帽山居民嘅寒暑表真係得0.2度!
攝於大帽山居民嘅寒暑表真係得0.2度!(圖片來源:FB@San Ng)

凌晨時分市民冒雨睇結霜

於凌晨時分專程登山嘅市民分享,山上仲未有結霜或結冰情況,但即使喺咁,依然吸引咗唔少人揸車嚟碰下運氣,希望一暏結霜嘅風彩!

大帽山 凍
(圖片來源:FB@Andy Wong)
大帽山 凍
(圖片來源:FB@Andy Wong)

無論環境幾惡劣、天氣有幾凍,都無阻攝影發燒友上山睇結霜呢啲咁特別嘅天氣現象~

大帽山
(圖片來源:FB@大帽山觀景台截圖)
大帽山 凍
(圖片來源:FB@大帽山觀景台截圖)

另一方面,基於疫情同天氣因素,消防救護世界亦喺社交平台發岀貼文呼籲市民乖乖留喺屋企。

大帽山 凍
(圖片來源:FB@消防救護世界截圖)

仲會凍多3日 周末起天氣回暖

怕凍嘅朋友仔,可能要捱多兩三日了,因為天文台嘅九天天氣預報,顯示星期四前的最低氣溫都仲係單位數,一樣凍冰冰~而周末開始會逐漸回暖,星期四或五應該有陽光。大家呢幾日外出記得着夠禦寒衣物先好岀街呀。

大帽山 凍
(圖片來源:香港天文台截圖)

有沒有人上山睇結霜?

不少人於凌晨時分專程登山,希望一暏結霜嘅風彩!即睇詳情

市民去邊度睇結霜?

大帽山。

圖片來源:香港天文台截圖、FB@Billy Lie、FB@San Ng、FB@Andy Wong、FB@大帽山觀景台截圖、FB@消防救護世界截圖