港女超冧男人主動做一件事！即刻加晒分：係好仔嘅象徵｜網絡熱話

港女：男人唔叫唔做

女事主在連登討論區發文，以「肯主動做家務嘅男人真係好加分」為題，認為本應「公一份、婆一份」，但她遇到的男性都不會主動分擔家務，只會由女方做家務或聽指令下才動手，令她心灰意冷。及後，女事主不禁大呻，「家務係大家嘅，一齊分擔有幾難呢，既然無人想做阿四、無人想娶個公主或者嫁畀大爺，點解唔成熟啲一齊做個負責任嘅人？！」

主動做家務港男會勁搶手

女事主警醒港女們續道，如遇上一個男性會爽快地整理自己的物品、放假會幫助清潔、洗晾摺衫、飯後幫忙洗碗，「請珍惜，香港十個可能得一個係咁」，又指如果是上述願意主動分擔家務而單身想拍拖的男孩子，女事主呼籲他們，「展現你呢方面嘅魅力，你一定好搶手！」

網民認為這兩件事是根源 肯做家務都無用

帖子惹來網民議論紛紛，不少網民不表認同，「我係，但都畀人飛」，另有網民答說「加分而已，本身樣X點加分都無用！」另有網民認為港女會得寸進尺，「當你唔介意做，可能以後都畀晒你做！」、「港女都係要求有個奴隸男友！」、「當習慣成自然，港女就唔會珍惜，係應份一樣照飛，飛你時就會話『自己都識做，我需要嘅係愛，揾個工人做都得』，講到尾都係你有冇錢！」

網民身同感受 指責男性不主動做家務自私

亦有網民身同感受，「我男朋友一個人住咩都自己做，自從同我一齊就做咗癱屍，叫都唔做，淨係叫班朋友返屋企，食完啲碗又係留畀我洗」、「唔關男女事，咁點解唔可以一人做一啲？咪咁X自私啦！」可能說出不少女士的心聲。

原文：

資料來源： LIHKG討論區