台女好心借千五蚊港元改機票 港男一上機即封鎖聯絡方法
廣告
有時出於好心幫人未必有回報，但係至少自己個心都舒服啲。不過近日就有一名台灣女子喺Facebook「爆料公社」發文，指自己被一名自稱香港人姓羅嘅男人呃走港幣千五蚊，仲話估唔到自己好心幫港人，但係換嚟嘅係失望。
撰文：Evita | 圖片：Facebook、新傳媒圖片庫
台女好心借港男千五蚊改機票
日前一名台灣女子喺Facebook發文，指上月底喺台北車站往機場捷運方向巧遇自稱羅先生嘅香港人，話所有證件同現金都被偷，隨即問台女借6000台幣（約港幣1500）以便改機票回港。
羅先生留低電話號碼同埋Facebook 等聯絡方法以作保證，借錢後仲一直有同台女報告位置。
羅先生上機後都有影相畀台女睇，證明自己真係用筆錢去搭飛機而唔係偷呃拐騙。
點知羅先生一到埗後立即封鎖台女同其香港男友，台女唯有留低一句：「我蠻失望我真心幫助你，結果你卻欺騙我」。
台女亦有將羅先生Facebook截圖擺上網，見到羅先生聲稱自己住喺屯門，於澳門工作。
不過事件被揭發後，就已經搜尋唔到該帳戶。而呢件事亦令台女表示：「以後不要隨便相信人了」。有網民就話台女應該要諗吓，羅先生話自己護照被偷又點樣上飛機呢？
