東張西望｜73歲保安婆婆被剋扣7萬飯鐘錢 向法團索償1個理由被炒｜網絡熱話
73歲保安婆婆被剋扣飯鐘錢 申訴不能離開崗位
梁婆婆擔任大廈保安員的主要工作，要為私家車開門及開電閘，兼要洗廁所及清潔更亭，上晝同時有2至3名保安員同時當更，夜更就只有1名保安員，她晚上獨自當值時未敢離開崗位，若有需要解手及食飯，都只能在更亭解決，以免為住客帶來不便，「當無人經過，就舀一啖食；人有三急，就唯有用桶解決」。
工時長 請假難
梁婆婆又申訴，她想請年假娶媳婦，被僱主指「都結咗婚咯，仲擺咩酒呀？又唔係你嫁」，令她感嘆「大家窮與富，都有喜慶日子」，連住客都看不過眼梁婆婆得到的待遇，「係有咁嘅事，比較離譜」、「無食過嘢，你問返佢（法團）得唔得先？」
簽訂合約1小時飯鐘補水 未有落實執行惹爭拗
另一面廂，有前法團代表表示，「我哋收到有人投訴，直情send埋條video影住佢瞓咗覺，門又無鎖，畀人入咗嚟，咁我都忍讓咗好耐呀。」儘管梁婆婆工作表現欠佳，於2009年入職，2013年經勞工處巡查後，大廈法團才與梁婆婆簽訂僱傭合約增補條款，正式納入每更1小時的飯鐘予梁婆婆，雖然文件由法團簽名作實，卻沒有落實執行。
法團不滿婆婆工作表現 補水金額各說各話
根據《僱傭條例》，她因工作要求而未能離開崗位，飯鐘亦應該可獲得薪金，於是梁婆婆尋求勞工處協助，向法團追討2013至2020年的有薪飯鐘薪金約7萬元，但法團及後只賠償4萬元，前業主立案法團委員受訪表示，「其實我哋覺得畀多咗，我哋計得無錯，佢有佢嘅要求，大家協商」。
願收4萬繼續獲聘 法團反口突加密碼鎖裁員
某法團高層曾表示會繼續僱用梁婆婆，但沒有在和解協議中寫明，當梁婆婆被問及當時為何會願意接受協商下的4萬元飯鐘補水，「當時佢話請返我，叫我繼續做，咁我又老，難搵工，諗住好來好去，就接受囉」，當梁婆婆接受4萬補水的7天後，即被解僱，法團又在閘門突然加了密碼鎖，表示不再需要人手開門。
追討3萬元不諳程序仍未成功
梁婆婆直言，「我收少咗錢，佢哋咪謀我囉，一個大話冚一個大話趕我走，我只想拎返我辛苦工作應得嘅飯鐘錢3萬蚊」。現時梁婆婆患上不少老人病，有骨退化及輕度中風，她希望取回應得飯鐘錢幫補醫藥費，為此她再次透過勞工團體向法團周旋，與法團簽訂另一份和解協議，卻只追收到$1,650。
梁婆婆以為簽訂這一份和解協議後會收到3萬元，「我都唔知佢寫咩」，幾天後才收信得悉被指「裁斷了」。有律師受訪表示，梁婆婆可考慮向法團申索，針對當時法團有否作出「誘導性行為」，推翻和解協議。
網民不恥法團欺壓
網民對法團的欺壓行為看不過眼，「呢個法團無人性，等天收」、「呢班人真係人渣法團」，亦有人認為老年人落得如此下場，政府不無責任，「只怪政府對老人晚年照顧未到位」。
梁婆婆被指偷懶 網民：問題在於梁婆婆身上
另有網民持相反意見，認為問題在於梁婆婆身上，「行路不穩，根本不能做工，業主肯請佢，算是開恩了」、「做通宵看更舍阿婆晚晚都走去開帆布床瞓，晚晚蛇幾粒鐘」、「喊就大晒，瞓覺盤」。
