小童會展撕爛250萬任伯年名畫　佳士得或會追究賠償

撰文：B｜圖片：佳士德、The Culturist文化者

「The Culturist文化者」指，拍品編號1393、任頤《花鳥四屏》估價150萬至250萬元，當中「淡黃楊柳帶棲鴉」畫作，喺周日預展俾一名小童撕毀。

佳士得同保安及保險單位進行緊商討，考慮各項因素後再決定是否追究有關人士，以及賠償問題等。暫時未有定案。

唔少網民表示父母出席如藝術作品展時，一定要睇實自己仔女，以免仔女貪玩失手破壞重要藝術品。有網民就指見過有媽媽帶住個仔，喺蘇富比預展個時於明代書法作品上「認字」，目擊者表示：「我見個阿媽不停用手指”篤篤篤”，個仔又跟住個阿媽篤，當下我完全無言！」

被損毀的作品已喺網上撤拍，就連詳細介紹頁面都無法進入，估價亦快速被刪。

清代畫家任頤（任伯年）結合中國畫傳統畫法，民間畫法和西洋畫速寫，彩色法，確立了獨自嘅畫風。其花鳥畫為佢嘅擅長，於1895年逝世的任伯年、享年56歲。

今次被損毀「花鳥四屏」中嘅「淡黃楊柳帶棲鴉」，係任伯年在1889年的畫作，至今已有130年歷史。