網民狠批五月天演唱會4宗罪：場地差、屏幕壞機 歌迷驚喊：最災難的五月天！
五月天演唱會香港場被轟4宗罪：場地差、屏幕壞機
歌迷驚喊：最災難的五月天！
五月天今年4月14日至16日及4月21日至23日舉行6場「五月天好好好想見到你演唱會」，是次五月天解鎖新場地，選址香港中環海濱活動空間，新場地有無敵海景配上迷人天際線夜景，本以為可與歌迷締造美好回憶，但不少觀看首兩場的歌迷紛紛吐糟今次演唱會！
1)舞台設計差 前排全程睇電視
不少率先入場的觀眾都怒轟舞台設計有問題，稱「舞台設計好痴線，我$1,380係就係好前，第9行但都係全程睇電視，側到痴線，得佢走過嚟嗰幾分鐘有得high下，個台又闊，啲位又窄特高」、「我睇完嘅觀感係，成千蚊飛怪我生得唔高，唔好講個檯同佢哋，營幕都睇唔到，睇完出嚟條頸勁攰，今次係我第一次睇佢哋，但我好唔開心，因為我之前幾次都買唔到飛，唉個人觀感買唔到中位前位，買梯位仲好」
2)音響屏幕壞機
另外有歌迷指除了場地舞台設計差，更出現屏幕壞機等情況，稱「音響問題，坐階梯，只有左邊有音響，右邊沒有音響，很不平衡」、「見到個screen佈滿紅綠藍一間間死點，連黑色冇畫面都有」、「屏幕很多壞點的地方，觀感也不是很好」，直指「個screen災情好嚴重」。
3)歌單編排奇怪、公式化
有歌迷認為歌單編排公式化，「睇左十幾年，覺得全部都好公式化，舊歌冇驚喜新歌好hea」、「Talking完全係估到佢講咩」、「年年都係話場到80歲，憨人唱到la la la la就講嘢扮哂感人」，有歌迷表示今年歌單編排奇怪，「雖然開咁多場演唱會，已經有哂rundown同agenda，但係始終係咁多年的情意結，點都會同朋友仔睇一場，同埋今年個場太X完全唔想睇多場，歌曲編排又係好奇怪，明明high緊下一首就剎停你唱慢歌。」
4)阿信咪嘴
唔少歌迷直指阿信咪嘴，雖然阿信被質疑假唱已不是第一次了，但有粉絲直言「演唱會咪嘴其實根本唔尊重歌迷」，該歌迷續指「由方舟開始入坑…以前好鍾意聽演唱會版嘅歌..但而家乜都執哂音，跟住仲要見到佢揚哂手扮深情真係覺得變咗」。有粉絲失望表示「無晒以前好珍惜每一場live 嘅感覺」
有網民為偶像反駁
不過亦有網民表示睇五月天向來都是「不斷鬧但又會不斷睇」、「聽五月天都係聽氣氛，唔會聽唱功啦，應該係信把聲頂唔到咁多場 」，亦有歌迷表示要好好珍惜五月天仲開到演唱會，稱「過多幾年未必可以年年係咁開」。
五月天演唱會選址港中環海濱活動空間，歌迷為何不斷吐糟場地差？
是次五月天解鎖新場地，選址香港中環海濱活動空間，新場地有…詳情
2023年五月天演唱會香港場有甚麼地方遭歌迷炮轟？
觀看首兩場的歌迷紛紛吐糟今次演唱會…詳情
