三年前買入二手《小王子》今發現31年前動人手寫訊息
廣告
以前嘅年代唔似而家有社交媒體以作通訊，如果想將訊息話畀其他人知，最普遍嘅方法就係寫信。日前有網民喺連登以「三年前喺台灣買咗本二手小王子，今日先發現入面三十年前嘅訊息」為題，原來書中蘊藏住一段三十幾年前嘅訊息，近日終於被樓主揭開。
呢位網民近日發現書中有一封信係由一位署名「富」嘅人寫畀「麗卿」，內容大概係話「富」將自己好鍾意嘅《小王子》送畀「麗卿」，希望可以同「麗卿」分享書中深入淺出嘅人生哲理同真摰。更指希望「麗卿」都鍾意呢本中英對照嘅世界名著，仲話呢本係一本可以睇一世嘅好書！
樓主就話唔知而家呢兩個人係咩關係，過咗三十幾年後而家又過成點，隨即又發多一張相，並話：「本書有86頁，上手應該淨係睇到第26頁。」
有網民就留言叫樓主將呢兩張相擺上Facebook睇下搵唔搵到當事人。
網民大讚「富」手字好靚，而且此舉動雖然老土但係動人！
不過呢位網民就有另一個睇法，成個感覺由浪漫變咗sad sad豬。
