40歲中產夫婦月入12萬因1事負債1,200萬　手揸3層樓＋2車位求專家解救　

Apr 5 2023

如果你月入12萬，銀行存款有近300萬，理應生活過得舒舒服服。但近日，有位網民屬於月入十二萬的中產家庭，手揸三層樓、兩個車位，兼每月收租超過3萬元，竟然因1事負債1,200萬，繼而向專家求救。而其負債原因更令網民認為「扮晒嘢」，稱「幫你唔到」。

40歲夫婦月入12萬因1原因欠巨債　急向專家求救：我好驚

40歲中產事主現時持有多個物業，又有車位，同時每個月家庭收入高達12萬，同太太每月仲可以儲3到4萬，生活已經比唔少香港人好得多！不過因為3層樓全部都仲係供緊，所以加埋爭落銀行超過1,200萬兼要供足30年，一諗到呢度事主就非常擔心，向專家求救！

物業1 (自住，市值1100萬，欠銀行610萬，仍需供30年)
物業2 (出租，市值580萬，欠銀行349萬，仍需供30年，月收租1.5萬)
物業3 (出租，市值464萬，欠銀行328萬，仍需供30年，月收租1.5萬)
車位1 (自用，市值70萬)
車位2 (出租，市值60萬，月收租$1,700)
股票 (市值74萬)
現金 (180萬)

中產爭落銀行超過1,200萬兼供足30年，一諗到呢度事主就非常擔心！非事主，示意圖） — 爭落銀行超過1,200萬兼仲要供足30年，一諗到呢度事主就非常擔心！（示意圖，非當事人）（圖片來源：TVB《下流上車族》劇照）

專家建議「無咁大個頭唔好戴咁大頂帽」

專家建議要因應年齡、負擔、風險情況而決定負債比率嘅多少。事主現時負債比率其實只係50%左右，同時只有40歲，就算係欠下1,200萬的銀行貸款都未使咁擔心！專家講到，如果真係擔心，不如用現金先還物業3部分按揭，只要事主保持每月還款，其實就算物業的價格跌，銀行也不會找麻煩。如果真係有需要，仲可以賣車位幫手還錢！

中產專家建議要因應年齡、負擔、風險情況而決定負債比率嘅多少。非事主，示意圖） — 專家建議要因應年齡、負擔、風險情況而決定負債比率嘅多少。（示意圖，非當事人）（圖片來源：TVB《下流上車族》劇照）

過多物業都會令人煩惱專家教路1招轉困局

事主喺物業嘅投資已佔去大部分，同時亦令負債風險增加！雖然話物業2、3都可以收租抵按揭，不過近期高息，相信都令事主會增加一定壓力！專家講道事主雖然手揸3層樓，但已有少少集中風險，建議之後嘅投資配置，應該強化股票與現金的比例。

中產專家講道事主雖然手揸三層樓，但已有少少集中風險，之後嘅投資配置，應該強化翻股票與現金比例。非事主，示意圖） — 專家指事主雖然手揸三層樓，但已有少少集中風險，之後嘅投資配置，應該強化股票與現金比例。（示意圖，非當事人）（圖片來源：湖南衛視《完美伴侶》劇照）

後生先增值　年老變保守

專家指以事主40歲嘅年齡嚟計，其實仍處於財富增長的黃金時期，而有唔少人都會喺呢個階段追求財務自由，咁就要用「先增值，後現金流」作方法去達致財富自由。後生時應投資較多增值類資產，而年長的則應投資較多保守類項目，因為事主理應可承受的風險度較高，所以專家認為應以增值為先，例如初期投資較有潛力的股票，令財富較快增值，當增值到一定金額後，便可開始將財富分配至平穩增值型的股票。然後到年紀漸長或已累積了相當的財富後，便可以漸漸轉成收息型股票。事主現時手上嘅股票，基本上都可以稱為潛力股，但就可以更有效運用現時持有的現金作增值投資。

中產有唔少人都會喺呢個階段追求財務自由，咁就要用「先增值，後現金流」作方法！非事主，示意圖） — 有唔少人都會喺40歲呢個階段追求財務自由，咁就要用「先增值，後現金流」嘅方法！（示意圖，非當事人）（圖片來源：TVB《歎息橋》劇照）

網民嘲諷事主：我都想有呢啲煩惱

不少網民看到該事主的煩惱後都表示不能理解，明明已經有幾層樓可以收租，仲有成300萬現金，認為事主冇必要咁擔心。有網民更直言：「無錢人思維才會覺得層樓需要有供完的一天」，認為事主作為中產要大膽啲。甚至有不少網民覺得事主在「晒命」：「收X啦，嗰幾層樓唔係資產嚟？唔睇內文以為佢係負資產，咁擔心咪賣咗佢囉，喺度扮哂嘢」、「有300萬現金就叫自己中產？」、「太有錢也是病，睇完醫生，應該好啲」，認為事主應珍惜這份「煩惱」，不要無病呻吟。