港男苦問「點解搵兩萬做中產都買唔到樓」　網民恥笑狂插：咁都叫中產？

月薪兩萬港男呻「點解香港中產咁辛苦」

早前曾有港男在連登討論區以「月薪兩萬中產都買唔起樓」為題發帖文，文中寫到：

今年加人工到兩萬
但都唔覺得生活有改善
亦買唔起而家嘅樓

樓主未有交待自己的職業，但就指今年人工已經加到月入2萬，但不覺得生活有改善，更加不能奢望可以買樓，更在文末慨歎「點解香港中產咁辛苦」。

2022年中產定義：590萬元個人流動資產

文中提及到「中產生活」，那麼擁有多少資產才算中產？回到2013年，當年月入30多萬的財政司司長曾俊華指自己也是「中產」，所以明白中產壓力。事後受到大批市民質疑，他再解釋自己在中產家庭長大，又指：「我嘅生活、lifestyle都係中產，未必只係人工設限，其實係一個lifestyle。我睇過有啲文章話飲咖啡嘅人係中產，或者鍾意睇法國電影嘅人係中產，我喜歡睇吓戲、飲茶，同一般中產生活上冇大分別」，該番言論引起當年市民不滿。

而2022年，中產定義再更新。滙豐銀行早前進行了《2022新世代中產報告》調查，訪問了1,000名香港人，調查結果顯示，港人普遍認為需擁有590萬元個人流動資產，才可成為中產階級！

網民指玩膠：揸巴士都月薪兩萬啦，中咩產？

不少網民見到港男指自己月入2萬也夠膽認中產，都表示難以置信，笑言「廿萬一個月都未算中產」、「揸巴士都月薪兩萬啦，中咩產？」、「咁譚仔姐姐都中產」、「係咪對中產定義有偏差」，也有網民指樓主「係咪睇錯入息中位數當左中產」；有網民則認為「可能人哋講緊美金呢」；也有網民認真回應「以正常affordability計置業成本係年收入中位數既3倍，香港成20倍，單呢度已經扭曲左對中產嘅定義」，直言香港人的中產地義偏離常規；當然也有網民認為樓主「玩膠」：「佢擺明曲，笑X班連登仔啦」。在香港要做中產也不容易啊！

資料來源：連登討論區、2022新世代中產報告