中產男友
中產男友

中產男友拍拖一年扮窮扮抑鬱 女友一秒發怒:佢有精神病|網絡熱話

熱話

廣告

有個中產男友拍拖會更美滿?拍拖時間耐咗,女仔當然想另一半有所表示,儲錢計劃結婚生小朋友,組織一個美滿家庭。但今次女事主一聽到男朋友話當自己結婚對象,竟然即刻爆怒秒分手,全因對方全程扮窮扮抑鬱!女事主出post大呻心淡,引起網民激烈討論。

中產男友自稱基層出身 屋企欠落一身債

男朋友肯計劃結婚,當然係一眾女士夢寐以求嘅事啦!但係如果原來佢一直以來都呃緊你,目的就係為咗測試你嘅感情,你又會唔會想繼續同佢走埋人生下半場呢?

事源女主角大學兼職打工認識到男朋友,日久生情,涿漸發展成情侶關係。拍拖初期,男朋友語重心長咁同女友講自己家底好差,基層出身,住公屋,而且爸爸欠落一身債,只有靠媽媽微薄收入支撐家庭。男朋友亦因爲家庭缺愛,加上被同學欺凌,導致患上抑鬱症。因為種種原因,怕連累樓主,想趁感情未太深厚,結束關係。

中產男友 事源女主角大學兼職打工認識到男朋友,日久生情,涿漸發展成情侶關係。
事源女主角大學兼職打工認識到男朋友,日久生情,涿漸發展成情侶關係。(圖片來源:Dcard截圖)
中產男友 拍拖初期,男朋友語重心長咁同女友講自己家底好差,基層出身,住公屋,而且爸爸欠落一身債。
拍拖初期,男朋友語重心長咁同女友講自己家底好差,基層出身,住公屋,而且爸爸欠落一身債。(圖片來源:TVB《愛· 回家之開心速遞》截圖)

拍拖一年男友情緒病發

但樓主聽完,不但完全唔介意,仲一直留喺男朋友身邊,鼓勵佢,支持佢。樓主更有心幫助男友,不斷上網同睇書,學習與情緒病患者相處!而拍拖期間,食飯大部分時間都AA制,就連紀念日都唔敢話想食貴少少嘅餐廳。相反,樓主會出錢為男朋友訂酒店餐廳慶祝生日。睇得出樓主對段關係非常認真。

拍拖大約一年左右,樓主男朋友突然情緒病發,衝出露台想自殺。經過樓主一輪悉心安慰後,男朋友情緒穩定下來。

中產男友 樓主男朋友突然情緒病發,衝出露台想自殺。
樓主男朋友突然情緒病發,衝出露台想自殺。(圖片來源:TVB《愛· 回家之開心速遞》截圖)

男朋友坦白真相 港女:我叫佢即刻離開我屋企!

後來男朋友坦白,其實一切都係佢自編自導自演嘅一場考驗,想測試樓主到底係咪真心愛佢!原來樓主男朋友不但唔係基層出身,更加無情緒病,事實係住私樓,手揸一層樓,屋企亦係中產家庭,衣食住行無憂。一切都只係測試樓主到底係貪佢啲錢,定真係愛佢個人…

中產男友 其實一切都係佢自編自導自演嘅一場考驗,想測試樓主到底係咪真心愛佢!
其實一切都係佢自編自導自演嘅一場考驗,想測試樓主到底係咪真心愛佢!(圖片來源:Dcard截圖截圖)

事後樓主一秒發怒,即刻叫男朋友走,再透過Signal講分手!男朋友仲話,分咗手,樓主唔會再搵到個21歲就有層樓揸手嘅男人!樓主大呻畀人呃足一年,認真心淡!話覺得男朋友無情緒病,不過一定有精神病!仲話決定Block咗男朋友嘅所有社交媒體,永不錄用!

中產男友 樓主覺得男朋友無情緒病,不過一定有精神病!
樓主覺得男朋友無情緒病,不過一定有精神病!(圖片來源:Dcard截圖)
中產男友 仲話決定Block咗男朋友嘅所有社交媒體,永不錄用!
仲話決定Block咗男朋友嘅所有社交媒體,永不錄用!(圖片來源:TVB《愛· 回家之開心速遞》截圖)

網民反應一面倒:真係好癡線!影帝仲唔係佢?!

知悉事情源由後,網民紛紛支持樓主決斷斬纜!所有回應一面倒鬧爆男事主好癲,不但利用樓主嘅信任,仲覺得所有接近佢嘅人都係貪圖佢嘅身家…….到底係咪睇戲太多!網民亦為樓主感到不值,出心出力浪費時間係一個渣男身上。

中產男友 網民大嗌大開眼界!
網民大嗌大開眼界!(圖片來源:Dcard截圖截圖)
中產男友 有留言表示樓主男朋友太自視過高!
有留言表示樓主男朋友太自視過高!(圖片來源:Dcard截圖)
中產男友 亦有網民表示樓主男朋友無安全感,亦從來無信過樓主,祝福樓主下個會更好。
亦有網民表示樓主男朋友無安全感,亦從來無信過樓主,祝福樓主下個會更好。(圖片來源:Dcard截圖)

資料來源:Dcard

圖片來源:TVB《愛· 回家之開心速遞》截圖、Dcard截圖資料或影片來源:Dcard