人氣郊遊路線
人氣郊遊路線

上水人氣郊遊路線正式落閘 擋車防止內進!網民大讚封得好:一早要啦 班人玩埋呢樣嘢!終於還草地一個安寧|玩樂熱話

熱話

廣告

人氣郊遊路線上水得月樓,最近被港人發現設置大閘,疑似係防止車輛駛進。事後,有網民喺社交平台群組「香港人露營分享谷」中分享相片,引起網民熱烈討論,但網民就大讚封得好,到底點解呢?即刻睇睇!

人氣郊遊路線落閘擋車防止內進!網民熱烈討論

有網民指圖中地點係前往上水得月樓通道嘅方向,該處一直以來都吸引咗不少郊遊人士前往,加上近年受到疫情纏繞冇得出國旅行,郊遊人數可以話有增無減,更有唔少遊人揸車前往添!但情況就對使用單車嘅道路使用者造成不便,斥責「沿路幾十部車泊到成條路都係!冇得行」,唔少網民大讚落閘嘅做法「做得好,回復清靜」

人氣郊遊路線 圖中地點係前往水得月樓通道嘅方向。
圖中地點係前往水得月樓通道嘅方向。(圖片來源:FB@Joey Liu)
人氣郊遊路線 郊遊人士於一月時拍到嘅情況,你睇幾多部私家車!
郊遊人士於一月時拍到嘅情況,你睇幾多部私家車!(圖片來源:FB@Joey Liu)
人氣郊遊路線 一條路有單車有私家車仲有唔少露營或郊遊人士行嚟行去,都真係有啲危險呀!
一條路有單車有私家車仲有唔少露營或郊遊人士行嚟行去,都真係有啲危險呀!(圖片來源:FB@Joey Liu)

早喺一月嘅時候有郊遊人士就拍到水得月樓嘅郊遊情況,在相中至少有5、6架私家車,又有幾架單車,就連警車都嚟埋添!喺草地範圍就有人喺度露營,場面相當之熱鬧。難怪網民對落閘有以下留言。

人氣郊遊路線
(圖片來源:香港人露營分享谷截圖)
人氣郊遊路線
(圖片來源:香港人露營分享谷截圖)

除咗道路使用問題,咁多人嚟當然製造咗唔少垃圾啦!喺上年12月有郊遊人士影低咗呢張慘不忍睹嘅相!圖中成地都係垃圾,包括有膠袋、紙箱、食剩嘅食物殘渣等,當然仲有為數不少的鋁罐、罐頭啦!郊遊人士做不到自己垃圾自己帶走,居民最終決定落閘都無可厚非!

人氣郊遊路線 郊遊人士於上年12月拍到通地垃圾嘅情況!
郊遊人士於上年12月拍到通地垃圾嘅情況!(圖片來源:FB@Joey Liu)
人氣郊遊路線
(圖片來源:香港人露營分享谷截圖)
人氣郊遊路線
(圖片來源:香港人露營分享谷截圖)

今次嘅落閘事件網民更帶出另一個富討論性嘅問題,喺香港有唔少自私嘅郊遊人士,佢哋可能覺得呢個地方玩爛咗咪去另一個囉。但其實呢種心態真係唔要得呀!希望大家緊記自己垃圾自己帶走,保護郊外環境!

人氣郊遊路線
(圖片來源:香港人露營分享谷截圖)
人氣郊遊路線
(圖片來源:香港人露營分享谷截圖)

邊個人氣郊遊路線落閘擋車?

上水得月樓郊遊路線

落閘擋車對該郊遊路線有幫助嗎?

清潔和草地復生方面有幫助

圖片來源:FB@Joey Liu、香港人露營分享谷截圖