港女憂一個人入迪士尼會好奇怪？網民大撐＋揭一大隱藏好處：不知幾正！

Q: 網民擔心什麼？

網民擔心一個人入迪士尼樂園會被認為奇怪，因為普遍入園都是一家大細或兩個人... 詳情

Q: 一個人入迪士尼樂園有隱藏好處？

係！網民表示如果是一個人入園，將會得到好大優勢，... 詳情

May 19 2022

「其實自己一個更開心，洗乜你講」，但每當你諗住自己一個去食飯或者睇戲時，心入面仲係凝住街上嘅人見到自己一條友一枱會覺得我好毒、冇朋友，因而放棄呢個念頭。呢兩日見到有人上網圍爐取暖，問大家一個人去迪士尼有冇問題，估唔到得到好多人嘅支持，仲話只需要鼓起勇氣試咗一次之後，就會發覺自己玩原來超爽，仲返唔到轉頭！

一個人入迪士尼樂園好奇怪？
網民大撐：不知幾正！

喺「迪士尼買賣交換分享 Disney’s Sharing Platform」群組入面，有人問「一個人去迪士尼會唔會好奇怪？」，點知網民一致認為自己一個入去玩其實仲好玩，特別係已經買咗年票嘅朋友，除咗唔使左夾右夾同人約時間之外，入到去都可以隨心所欲自己鍾意玩乜就玩乜，同邊個影相就影，自由自在，就算玩同一個機動遊戲10次都唔會有人詐型咁話。

迪士尼迪士尼樂園究竟適唔適合一個人去玩？ — 迪士尼樂園究竟適唔適合一個人去玩？（圖片來源：Unsplash@jacobdyer）

迪士尼樓主擔心一個人入迪士尼樂園會很奇怪 — 樓主擔心一個人入迪士尼樂園會很奇怪（圖片來源：FB@迪士尼買賣交換分享 Disney’s Sharing Platform）

迪士尼自己一個可以就返自己時間。 — 自己一個可以就返自己時間。（圖片來源：FB@迪士尼買賣交換分享 Disney’s Sharing Platform）

迪士尼度新打造你自己嘅迪士尼之旅。 — 度身打造你自己嘅迪士尼之旅。（圖片來源：FB@迪士尼買賣交換分享 Disney’s Sharing Platform）

有網民就話，一開始真係好唔鍾意自己一個去玩，但鼓起勇氣試過一次之後就發覺其實真係自己亂諗，冇人會理你，而家仲愛上咗自己一個去旅行。亦有一家大細嘅網民仲表示羨慕，講話如果自己可以賣甩班馬騮，自己一個去慢慢享受佢都會好想咁樣做，咁佢就可以去玩小朋友唔夠高玩嘅設施！

迪士尼其實都係要自己鼓起勇氣。 — 其實都係要自己鼓起勇氣。（圖片來源：FB@迪士尼買賣交換分享 Disney’s Sharing Platform）

迪士尼終極嘅me time！ — 終極嘅me time！（圖片來源：FB@迪士尼買賣交換分享 Disney’s Sharing Platform）

網民揭一大隱藏好處及不便之處

自己一個人去主題樂園都有一啲唔方便嘅地方，就係坐低食飯，冇人幫你霸住個位嘅情況下，就要買咗個餐之後慢慢搵位，所以網民都建議樓主早少少去食飯。但一個人入去玩嘅好處就係好多遊樂設施其實有單人隊可以排，平時受歡迎嘅設施可能要排2個鐘，但係你自己一個排單人隊可能5至10分鐘就可以輪到你玩，連拎快證都慳返！其實總結一句，who cares？只要你唔尷尬，尷尬嘅就係其他人，只要快快脆衝破呢個心理關口，話唔定你會愛上呢個體驗！