麥當勞隱藏食法!6款意想不到但味道一流配搭!麥旋風、薯條、漢堡大兜亂|網絡熱話
麥當勞隱藏食法!6款意想不到但味道一流配搭!麥旋風、薯條、漢堡大兜亂|網絡熱話

麥當勞隱藏食法!6款意想不到但味道一流配搭!麥旋風、薯條、漢堡大兜亂|網絡熱話

麥當勞就由細食到大,薯條、漢堡、炸雞等食物相信大家都唔會陌生。今日先忽略麥當勞餐點所帶來的驚人卡路里,而是分享數個網絡流傳的6種「另類隱藏」食法,不少人試完都話睇落賣相奇怪甚至「樣衰」,但食落卻是超級好食!

撰文:GW|來源:Facebook、Mcdonald’s、[email protected]古娃娃WawaKu

麥當勞6大隱藏食法

大家去食M記會有咩隱藏食法?(圖片來源:新假期編輯部)
大家去食M記會有咩隱藏食法?(圖片來源:新假期編輯部)

1. 初級組:薯條+甜酸醬

薯條一般都是蘸番茄醬,但如果剛好是食麥樂雞餐的話,拎薯條去蘸甜酸醬就少不免,說不上是「隱藏版」的另類食法,相信連三歲小朋友都有試過!食落酸酸甜甜別有一番風味。

薯條點甜酸醬非常好味!(圖片來源:新假期資料室)
薯條點甜酸醬非常好味!(圖片來源:新假期資料室)

2. 初級組:薯條+茄汁+砂糖+胡椒粉

薯條蘸番茄醬就基本㗎啦,但如果喺茄汁入面加砂糖同胡椒粉聽講會將味道提升一個層次。台灣網友話食落又鹹又甜,味道仲超似「蘑菇鐵板麵」!

麥當勞
如果唔加胡椒粉,淨係落糖,係一般台南人食法,超甜啊!(圖片來源:[email protected]古娃娃WawaKu)
麥當勞
加埋胡椒粉就鹹鹹酸酸,都幾惹味。(圖片來源:[email protected]古娃娃WawaKu)

3. 中級組:薯條+雪糕

鹹嘅薯條搭配上甜嘅雪糕,雖然聽落怪怪地,但食過嘅人都大讚話「超級夾」!雪糕方面用新地筒/新地/麥旋風都得,口味隨你配搭,榴槤又得、朱古力又得!(不過聽講用新地筒同薯條最夾)

薯條加雪糕完全係冰火兩重奏。(圖片來源:新假期資料室)
薯條加雪糕完全係冰火兩重奏。(圖片來源:新假期資料室)

 

4. 中級組:漢堡包+薯條

在漢堡包入面放上薯條,網民話食落好似薯蓉漢堡咁,口感軟綿綿又香口,非常好食!多位網民評測後認為最好食的是「雙層芝士孖堡+薯條」。

口感軟綿綿又香口,非常好食!(圖片來源:古娃娃WawaKu@YouTube)
口感軟綿綿又香口,非常好食!(圖片來源:古娃娃[email protected]
早年麥當勞有推出牛油果漢堡包,好少見呢!(圖片來源:新假期編輯部)
早年麥當勞有推出牛油果漢堡包,好少見呢!(圖片來源:新假期編輯部)

5. 高級組:雙層芝士孖堡+麥旋風

齋聽未食都已經開始覺得奇怪是非常正常的,但聽講有人食過就欲罷不能。網民稱食落似係牛奶味好重的「花生醬雙層芝士孖堡」,仲有人稱呼佢為「冰火雙層芝士孖堡」(聽落好似好厲害),有機會各位不妨試試!

麥當勞
食落似係牛奶味好重的「花生醬雙層芝士孖堡」。(圖片來源:[email protected]古娃娃WawaKu)

6. 高級組:麥旋風+蘋果批

將香脆的熱蘋果批對半折開,放入冰冰甜甜又綿密的麥旋風中間攪拌,冰熱的交疊搭配出超級新奇的口感,但奇怪的是沒有違和感,仲非常之夾!食落又酸又甜,網民話食落超似「炸雪糕」,亦有人話似係「酥皮雪糕」!雖然其貌不揚,但是每個試過嘅人都話「超!級!好!食!」

麥當勞
其實呢款產品麥當勞自己都出過!(圖片來源:[email protected]古娃娃WawaKu)
咪就係新地蘋果脆!好想食啊。(圖片來源:麥當勞)
咪就係新地蘋果脆!好想食啊。(圖片來源:麥當勞)

撰文:GW|來源:Facebook、Mcdonald’s、[email protected]古娃娃WawaKu

最新吃喝玩樂資訊