韓國小店
韓國小店

阿珠媽主理 家一樣的韓國小店 |大角咀食乜好|

熱話

廣告

店舖位於大角咀,地點不算就腳,加上兩旁都是車房,一不留神很易錯過。推門而進,只有十多個座位,播著人氣綜藝節目Running Man,有幾分韓國街頭小店的影子。「呢度好似韓國的小區,街坊都好好人,大家有傾有講,好開心,有時隔籬舖行開行埋會叫我們幫手看舖,互相幫忙,大家都係講個信字。」崔小姐慢慢說出喜愛大角咀的原因。

先煮辣湯底,再加年糕同煮,最後才加上芝士。以為湯底辣度一般,飲下湯,辣勁才慢慢由喉嚨滲回來,如不能吃辣記得叫小辣。

來港30年的崔小姐,講得一口流利廣東話,雖說早已習慣香港的生活,但總會思鄉,想家時就煮一桌韓食解鄉愁,「我好鍾意煮嘢食,十七、八歲嗰陣就開始跟媽媽學煮飯,掛住屋企嗰陣就煮返媽咪教我煮的餸,幻想係媽咪煮畀我食。依家舖頭賣的跟家裡吃的一樣,唔會因應香港人口味去改變煮法㗎!」崔小姐邊切紫菜包飯邊說。做生意當然想賺錢,但首次創業的崔小姐就笑說香港租金、食材都貴,做小生意亦非為了賺大錢,「我喺香港的韓國餐廳打工嗰陣,覺得佢哋價錢貴,食物又唔算多,我唔鍾意咁樣,我想大家可以平平地都食到好嘢。」

崔小姐總是笑臉迎人,客人都覺得份外親切,「我最鍾意同啲客傾偈,一齊講一齊 笑,好似有客人話佢想食米腸,喺香港好少見到,就算有都好貴,我最近就喺韓國搵咗返 嚟,都係賣幾十蚊,客人都話賣得平,食得開心又唔會肉赤,見佢哋開心我就開心。」店 內還有紫菜包飯、部隊鍋、炸雞、烤肉和炸醬麵等韓食,大部分食物三四十蚊有交易,部 隊鍋都不過一百蚊。水準亦拍得住大型的韓國餐廳,就連附送的泡菜全部都自己醃,比平 時吃的辛辣,和外面不同。韓國餐廳四圍都有,但像Cup Bop 般讓人有家的感覺就少之 又少,難怪開業短短一個月已有一班忠實粉絲。

仍是大學生的Miki 平時喜歡到處尋覓韓國小店,最近見Cup Bop 新開張便立即幫襯,她說除了價錢平夠吸引外,最喜歡就是這裡老闆娘──崔小姐,「雖然幫襯次數唔多,但每次嚟到都有屋企的感覺,老闆娘好似媽咪咁噓寒問暖,好nice。」

Cup Bop Korean Restaurant

地址:大角咀樂群街2D號地舖(顯示地圖
電話:2352 6118
營業時間:11am-3pm,6pm-10pm
延伸閱讀
失傳手工粵菜 人手剁葵花斬肉 |佐敦食乜好|
麥記超值套餐又加價!加推一周6大優惠補數

最新吃喝玩樂資訊