大叔:「關愛座唔係畀你坐」學生好心讓座仍被責罵 車長開聲幫口!|網絡熱話
大叔:「關愛座唔係畀你坐」學生好心讓座仍被責罵 車長開聲幫口!|網絡熱話

大叔:「關愛座唔係畀你坐」學生好心讓座仍被責罵 車長開聲幫口!|網絡熱話

為了關愛座而爭執嘅事件時有發生,近日又有網民於討論區分享有關巴士關愛座經歷,引嚟唔少網民留言,學生好心讓出座位仍然被罵?引來車長開聲,究竟佢會幫邊個?

撰文:Evita | 圖片:新傳媒圖片庫、KMB九巴專頁

學生讓關愛座仍被大叔責罵

日前有網民於Facebook分享,朝早搭車返工時,除了前排兩個關愛座之外就坐滿人。後來有個背住書包的學生上車,樓主指:「眼見書包重量唔輕,可能佢只坐幾個站,而當時又無有需要嘅人要坐,佢就坐在關愛座外面的位置。」

又有關愛座爭議!(示意圖,並非涉事車輛)
又有關愛座爭議!(示意圖,並非涉事車輛)
關愛座是設計來讓有需要的人士坐的,學生背着沉重的書包坐在關愛座上,合理。(圖片來源:KMB九巴專頁)
關愛座是設計來讓有需要的人士坐的,學生背着沉重的書包坐在關愛座上,合理。(圖片來源:KMB九巴專頁)

大叔喝罵學生:「呢個係關愛座,唔係畀你坐!」

樓主稱巴士駛到下個站,有幾名乘客同中年男人上車,學生哥即時起身企在近落車門口,點知中年男人依然唔放過個學生,大聲話:「你坐㗎咩!呢個係關愛座,唔係畀你坐,你有無我咁大年紀啊?」

中年大叔上車,縱然學生已立即讓出關愛座位,但大叔仍然喝罵那位學生。(圖片來源:KMB九巴專頁)
中年大叔上車,縱然學生已立即讓出關愛座位,但大叔仍然喝罵那位學生。(圖片來源:KMB九巴專頁)

車長開聲!「個位人人都可以坐。」

樓主續指中年男人繼續鬧個學生時,車長突然講:「個位人人都可以坐。」點知男人話:「呢個係關愛座。」車長又再回應:「關愛座係優先讓畀有需要嘅人,無寫你個名,唔一定係你坐。」最終男人無聲出。

可能聲浪太大,引得車長開聲:「個位人人都可以坐。」(示意圖,並非涉事車輛)
可能聲浪太大,引得車長開聲:「個位人人都可以坐。」(示意圖,並非涉事車輛)
示意圖,並非涉事車輛
示意圖,並非涉事車輛

網民有咩睇法?車長好Man!

網民對呢件事就有以下回應,指關愛座應該取消,並話個男人見到對方係學生先夠膽恰!當然車長為學生解窘的行為亦獲得網民大讚,學生主動讓座的行為亦令網民認為他是有禮的年輕人,如果真的有需要,其實該名學生是可以不用讓座的。

不要讓關愛座變成批鬥座! (圖片來源:KMB九巴專頁)
不要讓關愛座變成批鬥座! (圖片來源:KMB九巴專頁)

其實關愛座原意是讓有需要的乘客使用,不過近年愈來愈多人因為優先問題而發生爭執,關愛座真的能夠發揮其功用嗎?還是只是一張讓人累到也不敢坐的「批鬥座」呢?

撰文:Evita | 圖片:新傳媒圖片庫、KMB九巴專頁

最新吃喝玩樂資訊