單車 運動舖
單車 運動舖

港媽VS港爸運動舖大戰 全因小朋友「試」踩單車唔肯走 |玩樂熱話

熱話

廣告

現時有體育用品店在門市提供運動用品予市民試用,鼓勵大家享受運動的樂趣。不過有港媽日前在Facebook 專頁「生仔要考牌系列」發帖,表示在運動舖遇到有小朋友霸佔單車試了近45分鐘,由於該媽媽的囝囝亦想試踩,便找來小朋友的爸爸希望能叫停細路,誰知港爸被問多兩句情緒不受控,兩人唇槍舌劍,充滿火藥味!

港媽VS港爸運動舖大戰!小朋友「試」踩單車唔肯走
網友:成班怪獸家長當正係遊樂場放班小魔怪風

該名港媽稱帶同囝囝到某間大型運動用品舖,店舖可以提供運動用品試用,包括單車、Scooter等,該港媽進店後,看到一名小朋友在「試」單車,然而不見其家長在附近,她稱當時有數名小朋友在等候,決定找來小朋友的家長溝通,希望可以讓他們試踩幾個圈。她指等了約30分鐘才看到該名小朋友的家長,等多大約10分鐘,該港媽稱與另一個媽媽A認為不能再等,終決定走向該對父母。

單車 有體育用品店在門市提供運動用品予市民試用,鼓勵大家享受運動的樂趣。
有體育用品店在門市提供運動用品予市民試用,鼓勵大家享受運動的樂趣。(圖片來源:新假期編輯部)
單車 有體育用品店在門市提供運動用品予市民試用,鼓勵大家享受運動的樂趣。
有體育用品店在門市提供運動用品予市民試用,鼓勵大家享受運動的樂趣。(圖片來源:領展)

新假期編輯部

當時另一家長媽媽A表示希望想試吓部單車⋯⋯,話口未完已被小朋友的爸爸打斷,「得㗎喇,重有兩個圈」,媽媽A指已等了很久,該港爸爆Seed稱:「我控制唔到我個仔玩幾耐㗎,唔通你要玩,我就要個仔即刻畀你」,事主及媽媽A再加上港爸,你一言我一語,充滿火藥味!

單車
(圖片來源:《親親我好媽》劇照)

媽媽A認為店內是提供試車唔係玩,而投稿的港媽質疑自己個仔都控制唔到?而該港爸重複「我個仔咁玩係冇問題」,並大罵投稿的港媽「我真係覺得你個仔好慘,希望佢大個唔會似你」。正當三人吵得面紅耳赤之際,霸佔單車的小朋友媽媽終於喊停細路,並向兩位媽媽道歉。而最後結局,媽媽A即場買了單車,投稿的港媽稱因小朋友未儲夠獎勵,所以未買。

單車
(圖片來源:TVB《寶寶大過天》劇照)

網民:你唔係買又試?你自己都話呢度唔係玩係畀人試

帖文一出隨即引起網民熱議,有人認為投稿的媽媽非常有耐性,「等40分鐘都唔揾職員,真係好耐性」、「等40分鐘搵唔到大人,我會直接問個小朋友囉」,亦有人認為霸佔單車的小孩已經試踩一段長時間,但其父母任由他繼續,是家教同自律問題,稱「睇嚟唔係個小朋友有事,係佢老豆有事」。而故事最後,投稿的媽媽稱因小朋友未儲夠獎勵而無買,有人留言罵她:「你唔係買又試?你自己都話呢度唔係玩係畀人試,個男人講得啱,你個仔真係好可憐。」帖文引起網民熱烈討論,大家又認為誰是誰非?

單車
(圖片來源:Facebook留言截圖)
單車
(圖片來源:Facebook留言截圖)

資料來源:[email protected]生仔要考牌系列授權

常見問題

涉事運動鋪係邊間?

有網友指涉事運動鋪疑似係⋯⋯更多詳情

最後結局港爸同港媽邊個贏?

正當三人吵得面紅耳赤之際,霸佔單車的小朋友媽媽終於喊停細路,最後結局<a href="https://www.weekendhk.com/article/港媽-單車-js06-cc-1399137/“

圖片來源:新假期編輯部、領展、Facebook留言截圖、《親親我好媽》劇照、TVB《寶寶大過天》劇照資料或影片來源:生仔要考牌系列

最新吃喝玩樂資訊