【週末遊懶人包】 浪漫拍拖遊 長洲
店主將煮熱嘅砂糖,加入雲呢嗱油同梳打粉,待糖漿發脹後,放上金屬板再壓扁,印上圖案就完成!焦糖餅口感十分脆!食落係濃濃嘅焦糖香,有少少苦澀味。不過一個人食比較膩,最好同BB豬開心share(希望佢唔好食完又嗌要keep fit啦!)
海盜王張保仔
地址:長洲新興後街152號地下(顯示地圖)
聯絡電話:6130 7939
第二站 情人鎖留影
繼德國、美國、南韓之後, 長洲 都有可以掛情人鎖嘅地方啦!同BB豬唔使搭飛機都可以浪漫下!
![長洲情人鎖成為近期打卡熱點。](https://imgs.weekendhk.com/wp-content/uploads/2015/07/nhv4dxh3MJN7gxp/11709727_10153355083865469_5925572544369192362_n.jpg)
買鎖去對面B&B舖頭就得,不過$30個就真係唔太抵,但愛情嘅嘢,都係無得計咁多架啦……如果真係要為將來結婚計數的話,自備情人鎖又得唔得呢?即係咁,場邊有個伯伯長期在鐵絲網邊「打躉」,見有人將其他的鎖放上去之時,就會埋嚟「關心」吓,唔知算唔算唔得呢!
情人鎖
地址: 長洲 東灣路12-14號(顯示地圖)
第三站 創意甜品店撐枱腳
去 長洲 ,唔少人都鍾意買返個平安包食,兼做手信。不過同BB豬出嚟,食平安包又好似唔係咁啱Feel喎,唔知有平安字樣嘅馬卡龍又啱唔啱佢嘅胃口?
![平安馬卡龍 $15/件](https://imgs.weekendhk.com/wp-content/uploads/2015/07/nhv4dxh3MJN7gxp/dsc_6734.jpg)
$15/件
呢度嘅甜品師Keily,整甜品嘅功架原來係自學!哪裡來的勇氣?原來係基於一個情字,因為佢個BB豬鍾意食甜品囉!So Sweet!
U Can Cook
地址:長洲海傍街91A地下及82號全幢(顯示地圖)
營業時間:12:00pm-10:00pm(逢星期四休息)
聯絡電話:2981 6533
第四站 孖住遊賣藝手作小舖
看完情人鎖,吃過焦糖餅,又要周圍行下,近東灣泳灘,有一間小店,長期都人頭湧湧,裡面賣的,大部份產品都是人手製作或設計,好啱同鍾意文青feel嘅BB豬行下。
![賣藝](https://imgs.weekendhk.com/wp-content/uploads/2015/07/nhv4dxh3MJN7gxp/dsc_6407.jpg)
手鐲由結他弦線整成,中間穿上珠仔,型得嚟又帶點可愛。
賣藝
地址:長洲東灣路慶安台3號地下(顯示地圖)
營業時間:11:00am-7:00pm(逢星期二休息)
第五站 後街歐陸小店搵信物
穿過橫街小巷,就會搵到Nitti-gritti,門口設計令人印象深刻,咁細嘅舖面,但有齊窗戶、大門、台階、而且仲泊咗架復古造型單車喺門口,充滿歐陸風,入店就好似去探朋友嘅,好有親切感。(同BB豬又多一個影相點!)
![店面設計別樹一格。](https://imgs.weekendhk.com/wp-content/uploads/2015/07/nhv4dxh3MJN7gxp/dsc_6263.jpg)
店主Packy於墨爾本讀書期間,經常行當地嘅Brunswick Street,街上有各式各樣嘅小店,間間都好有風格,回港後,Packy希望喺自己嘅居住地- 長洲 ,開一間有自己風格嘅小店,好型呀~!
![DSC_6269](https://imgs.weekendhk.com/wp-content/uploads/2015/07/nhv4dxh3MJN7gxp/dsc_6269.jpg)
店內貨品都係店主由世界不同地方採集回來,來自蘇格蘭、丹麥、韓國等地嘅精品及生活用品,亦都香港手作人製作嘅飾物。(太多野揀,記得錫住另一半荷包!)
![蘇格蘭And Mary陶瓷 頸鏈 $380-$430/件](https://imgs.weekendhk.com/wp-content/uploads/2015/07/nhv4dxh3MJN7gxp/dsc_6318.jpg)
$380-$430/件
店主愛犬Alloy幫忙「睇舖」,十分聰明,而且很親人。
Nitti-gritti
地址:長洲新興後街105號(顯示地圖)
營業時間:星期四、五(12:00pm-06:00pm)、星期六、日(12:00pm-07:00pm)
聯絡電話:3689 1242
第六站 碼頭看日落
食到飽,行到攰,又仲未夠鐘搭船?其實喺碼頭附近睇到嘅日落係好靚架!我都知睇日落有啲娘,但橋唔怕舊,最緊要受!如果當日個天唔厚雲,仲會見到鹹蛋黃添!
延伸閱讀:
荔園效應: 懷舊玩具 大眾化的集體回憶
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!