辭職後老細發癲!網民熱議遞信後上司行為:黑面拍枱、出言侮辱 最誇張竟然動粗?! |網絡熱話
辭職後老細發癲!網民熱議遞信後上司行為:黑面拍枱、出言侮辱 最誇張竟然動粗?! |網絡熱話

辭職後老細發癲!網民熱議遞信後上司行為:黑面拍枱、出言侮辱 最誇張竟然動粗?! |網絡熱話

辭職可說打工仔常事,又有幾多人會同一份工打死一世?公司少不免有人才流失,打工仔做得唔開心或者offer唔好都會選擇辭職炒老闆。有多個網民於討論區訴說畀完辭職信之後上司或老闆的發癲行為,睇下大家有冇共鳴!

撰文:PC|圖片來源:新傳媒資料室、連登截圖

上司突然約食飯 巴打大呻:辭職後驚佢發癲

有網民於連登以「有冇試過畀辭職信後上司發癲」為題出post,分享自己辭職的經歷。當中講述自己上司早幾天前已察覺到他有辭職的念頭,於是專登請他食午飯,用餐時更表示若有任何意見都可以主動提出,又指覺得事主會一直做落去,更大讚他很有熱誠!但其實事主已經準備下星期會遞信辭職,同事知道之後就提醒他小心上司得悉後會發癲。此post一出就引來熱烈討論,好多巴絲打都一齊分享遞信辭職後上司發癲的經驗。

有巴打分享上司 feel 到自己想辭職而約食飯嘅經歷。
有巴打分享上司 feel 到自己想辭職而約食飯嘅經歷。

1. 得悉辭職後黑面發火

有一位巴打就話,好多年前打工,返咗幾日已經不停OT,覺得不大對路。返工幾天後收到大公司的offer,於是就同上司坦白講自己已有offer想辭職,誰料老細即刻變面,發火拍枱,更將文件掃落地下,出言侮辱巴打指他「成世都唔會出頭」、「好冇用」之類,問:「你當我呢度係跳板呀?」隨即要求佢拎支票及立即離開,後來巴打發現老細冇計到OT錢!

辭職
有個好上司真係難中過六合彩。

2. 通知期內不斷改更表

有另一位絲打就話,公司需要一個月通知期,上司於她辭職遞信後的一個月內將更期改到不知所謂,而絲打見狀決定最後2日上班日都「射波」。其後上司將絲打某一個月糧轉做支票,要求她交病假紙換支票,絲打表示根本沒有想過要交假紙,加上該月的糧都只係得一日,所以沒有看醫生,索性「豪比佢」。

黑面拍枱、出言侮辱! 一人一個遞辭職信後上司發癲行為(新假期APP限定)
上司於她辭職遞信後將更期改到不知所謂。

3. 寫花reference check

亦有另一位巴打指,於舊公司升職半年後辭職,上司知道之後即時態度轉變,更將巴打的reference check寫到好差!好在新公司的HR同上司都理解及體諒,並沒有因為reference check而不請他。

辭職
幸好新公司的人都好明白事理。

4. 動粗用筆掟人

除了黑面鬧人之外,最誇張是用筆掟人!有巴打就指雖然老闆沒有發癲,反而是深得老闆歡心的「黃馬掛」動粗用筆掟佢,只是辭職而已,真的需要動武嗎?

最誇張就係有人動粗!
最誇張就係有人動粗!

辭職時其實唔洗驚

見到眾多留言,有準備辭職的巴打都表示有啲驚,不知道到時上司會做啲咩。其中一個巴打就話其實自身有能力有料的話根本不用怕,直言「東家唔打打西家,如果上司無理取罵,就話返佢轉頭,反正都唔做。」不過編輯覺得正所謂凡事留一線,日後好相見,就算上司點無理都好,最好冷靜處理!

香港地咁大,只要有心都唔怕搵唔到工。
香港地咁大,只要有心都唔怕搵唔到工。

撰文:PC|圖片來源:新傳媒資料室、連登截圖|資料來源:連登討論區

即睇更多:打工仔必睇!中3個徵狀就患上「職業倦怠」!返工返到無晒人生意義 |網絡熱話

辭職後老細發癲!網民熱議遞信後上司行為:黑面拍枱、出言侮辱 最誇張竟然動粗?! |網絡熱話

最新吃喝玩樂資訊