讓座
讓座

港媽逼人讓座不果怒罵「無愛心」!女乘客1句窒到對方口啞啞|網絡熱話

熱話

廣告

車廂讓座,讓俾你係人情,唔讓俾你係道理,但有位港媽假日帶完小朋友放電,回程時小朋友太攰扭計想坐,就逼面前女乘客讓座,對方拒絕後,仲嬲到大鬧對方「無愛心」!乘客忍無可忍,一句K.O港媽,網民直呼大快人心!

小朋友扭計想坐 港媽逼乘客讓座

一名網民分享一件在巴士上發生的鬧劇,他指有日乘搭了一架載滿人的巴士,一名港媽帶著小朋友搭車,而小朋友因為無位坐所以不斷發脾氣,扭計要媽媽抱「但呀媽又唔多想咁」。眼見小朋友不斷發脾氣,港媽轉而向一位坐在座位的女乘客並要求對方讓座:「我個小朋友好攰,發緊脾氣,可唔可以讓俾佢坐?」女乘客聞言亦十分禮貌地婉拒:「唔好意思,我都好攰」。

港媽 巴士 港媽逼讓座被拒大鬧無愛心
港媽逼讓座被拒大鬧無愛心。(圖片來源:[email protected] 九巴專頁)
港媽 巴士 港媽轉而向一位坐在座位的女乘客並要求對方讓座:「我個小朋友好攰,發緊脾氣,可唔可以讓俾佢坐?」示意圖,非當事人)
港媽轉而向一位坐在座位的女乘客並要求對方讓座:「我個小朋友好攰,發緊脾氣,可唔可以讓俾佢坐?」(示意圖,非當事人)(圖片來源:TVB《寶寶大過天》劇照)

港媽被拒後大鬧乘客:無愛心

但港媽聽罷並沒有死心:「佢發緊脾氣」言論令女乘客感到十分不解,並反問到:「所以?」結果港媽惱羞成怒責怪女乘客:「點解你咁無愛心,唔可以就下人,佢發緊脾氣俾佢坐都唔得嘅,依家啲人真係!」

讓座 港媽 巴士 港媽惱羞成怒責怪起女乘客:「點解你咁無愛心,唔可以就吓人,佢發緊脾氣俾佢坐都唔得嘅,依家啲人真係!」示意圖,非當事人)
港媽惱羞成怒責怪起女乘客:「點解你咁無愛心,唔可以就吓人,佢發緊脾氣俾佢坐都唔得嘅,依家啲人真係!」(示意圖,非當事人)(圖片來源:TVB《愛回家之開心速遞》截圖)

女乘客1句霸氣反擊:其實你生仔我無責任㗎

港媽無理取鬧的說話讓女乘客大翻白眼反駁到:「你咪抱佢囉!讓俾你係人情,唔讓俾你係道理,佢要坐,你咪等下班有位先上或者搭的士」豈料港媽竟大鬧到:「佢得幾歲咋!」逼得女乘客「爆seed」回應到:「其實你生仔我無責任㗎,唔好覺得個世界欠咗你,要人就你啦好無?」

目擊整個對話過程的網民指,女乘客說完該番話後,港媽被反駁到無法再回應,但就「成程黑晒面」。而小朋友就繼續扭計要媽媽抱,惟港媽繼續毫不理會。

讓座 港媽被反駁到無法再回應,但就「成程黑晒面」。
港媽被反駁到無法再回應,但就「成程黑晒面」。(圖片來源:TVB《愛回家之開心速遞》截圖)

網民熱討:好似全世界都有份搞大佢個肚!

分享引來大批網民熱討,不少網民大讚女乘客:「姐姐答得啱喎!佢冇必要幫媽媽安撫個小朋友」、「講得好,讓係人情,唔係老奉」、「你生仔,我埋單。咩道理?」。亦有不少人港媽做法不妥:「連自己個仔都唔抱,憑咩要人讓個位畀佢?」、「一巴車落個細路叫佢收聲啦講咁多」、「依家啲阿媽好似全世界都有份搞大佢個肚」、「好明顯個呀媽特登等個細路扭到有人心軟讓座比佢,3歲4歲企下有乜問題,我只會讓座給抱住BB,老人家或行動不便的人。」

除此之外,亦有網民表示:「如果我係個女仔,我會主動讓座畀小朋友。如果我係個阿媽,我唔會要求人哋讓座,要小朋友明白有位先有得坐,無位要企係正常。」

讓座 另外有網民表示:「如果我係個阿媽,我唔會要求人哋讓座,要小朋友明白有位先有得坐,無位要企係正常。」
另外有網民表示:「如果我係個阿媽,我唔會要求人哋讓座,要小朋友明白有位先有得坐,無位要企係正常。」(圖片來源:九巴)

資料來源:GOtrip

圖片來源:[email protected] 九巴專頁、TVB《寶寶大過天》劇照、TVB《愛回家之開心速遞》截圖、[email protected]資料或影片來源:GOtrip

最新吃喝玩樂資訊