另一半變心5大徵兆!拍拖太耐都敵不過新鮮感?|網絡熱話
另一半變心5大徵兆!拍拖太耐都敵不過新鮮感?|網絡熱話

另一半變心5大徵兆!拍拖太耐都敵不過新鮮感?|網絡熱話

熱話

懷疑另一半變心?情侶拍拖最緊要就係相處得舒服自在,可以喺另一半面前做返自己。但隨住拍拖日子愈長,兩個人嘅感情有可能慢慢變淡,如果任何一方都捱唔過引誘就會變心。如果出現咗以下5個變心表現,咁對方個心就有可能已經唔喺你度喇~

撰文:PC |圖片:Pexels、韓劇《三流之路》劇照、《我的ID是江南美人》劇照、電影《29+1》劇照

5個拍拖另一半變心表現!

1. 唔記得拍拖重要日子

拍拖通常都會記得一啲特別日子,好似情人節,生日,紀念日等等。可能有人會覺得拍拖耐咗就會唔記得,但如果真係緊張對方嘅話,就算大家一齊咗幾耐都會喺一啲特別日子同對方提一提甚至一齊慶祝。假若另一半冇任何表示就要小心變心喇!

如果真係緊張對方嘅話,就算大家一齊咗幾耐都會喺一啲特別日子同對方提一提甚至一齊慶祝。(圖片來源:韓劇《三流之路》劇照)
如果真係緊張對方嘅話,就算大家一齊咗幾耐都會喺一啲特別日子同對方提一提甚至一齊慶祝。(圖片來源:韓劇《三流之路》劇照)

2. 成日都會話好忙

情侶拍拖好多時都會見得好密。以前可能會一星期見2-3次,慢慢就會變成一星期一次,甚至一個月都見唔到一次。對方開始唔覆你信息,問多少少都覺得你煩,話自己好忙。就算自己唔開心想搵另一半傾傾,對方都會話自己唔得閒,咁就好可能對方根本唔想再關心自己,已經變心。

就算自己唔開心想搵另一半傾傾,對方都會話自己唔得閒,咁就好可能對方根本已經唔想再關心自己。(圖片來源:Pexels@andrew-neel)
就算自己唔開心想搵另一半傾傾,對方都會話自己唔得閒,咁就好可能對方根本已經唔想再關心自己。(圖片來源:[email protected]

3. 即使拍拖唔想理你

好似上一點咁,如果一個人唔再愛你,無論拍拖嗰陣你做咩佢都唔會有任何興趣,亦唔會想理你。唔係因為佢對你講嘅嘢冇興趣,而係對你冇興趣呀!

如果一個人唔再愛你,無論拍拖果陣你做咩佢都唔會有任何興趣。(圖片來源:《我的ID是江南美人》劇照 )
如果一個人唔再愛你,無論拍拖果陣你做咩佢都唔會有任何興趣。(圖片來源:《我的ID是江南美人》劇照 )

4. 好緊張自己部電話

明明對方成日唔覆自己信息,但次次拍拖出街佢都會一直將電話擺喺手上,好似用咗超能膠癡實咗咁。好驚俾你睇到咁,或者好驚會miss咗一啲「重要」嘢,更嚴重嘅更會唔俾你掂到佢部電話,惡人先告狀話你信唔過佢!

(圖片來源:Pexels@mikoto.raw Photographer)
(圖片來源:[email protected] Photographer)

5. 唔介意你同異性出街

拍拖最大忌就係同異性有過分接觸,如果另一半唔再介意你單獨同異性出街,甚至唔問你同佢去邊做咩。咁就可能佢唔care你嘅事,或者根本佢都係成日咁做囉!

(圖片來源:電影《29+1》劇照)
(圖片來源:電影《29+1》劇照)

撰文:PC |圖片:Pexels、[email protected][email protected]

最新吃喝玩樂資訊