《調教你Mirror》第六集!由調教Frankie變麥子樂分享會+整蠱AK!Fans:剪到好亂啊|網絡熱話
《調教你Mirror》第六集!由調教Frankie變麥子樂分享會+整蠱AK!Fans:剪到好亂啊|網絡熱話

《調教你Mirror》第六集!由調教Frankie變麥子樂分享會+整蠱AK!Fans:剪到好亂啊|網絡熱話

《調教你Mirror》第六集,Fans 大呻睇到好亂!雖然一開始花姐點名調教隱形人Frankie(皮皮),點知中途殺出整蠱AK環節,後尾又變成麥子樂分享會,最後仲以我最喜愛Mirror成員收尾,令到本身調教Frankie嘅編排亂晒龍!

撰文:熙燈喱|圖片:ViuTV 節目《調教你Mirror》截圖

調教你Mirror》第六集 今集主角定位究竟係邊個?

雖然今集一開始定位係話要調教隱形人Frankie(皮皮),但Frankie感言段又草草收尾,中段又加插整蠱AK環節,最後又跑個幕後人員選出的我最喜愛Mirror成員投票(又唔係Frankie獲獎)出嚟,Fans個個大呻睇到好亂,究竟係上集調教 AK 未講完定係皮皮呢集剪錯晒?

今集主角皮皮同樣被剪到到唔上唔落⋯⋯(圖片來源:《調教你Mirror》截圖)
今集主角皮皮同樣被剪到到唔上唔落⋯⋯(圖片來源:《調教你Mirror》截圖)

花姐點名因為靚仔先簽 Frankie直認 團內無定位

Frankie 雖然有英俊外表,但花姐就認為係性格問題令佢完全唔起眼,當初更是同事寶姐要求簽靚仔 Frankie,最後先入隊。花姐認為Frankie好懶散,演戲課程半途而度,又認為他無法練好唱歌。Frankie都自認自己應該要調教講嘢能力,好多嘢睇到都無出聲,但知道自己唔講,其他人就唔會知,直認自己喺團內無定位。

Frankie平時太安靜。(圖片來源:《調教你Mirror》截圖)
Frankie平時太安靜。(圖片來源:《調教你Mirror》截圖)
自己都唔睇好自己!(圖片來源:《調教你Mirror》截圖)
自己都唔睇好自己!(圖片來源:《調教你Mirror》截圖)

花姐無指名道出,Mirror隊內有人會覺得自己無機會、無廣告,但其實他們無諗過,成為Mirror成員之一、可以出道2個月就開演唱會,已經比很多人幸運。

Mirror有嘅機會已經比起其他人多!(圖片來源:《調教你Mirror》截圖)
Mirror有嘅機會已經比起其他人多!(圖片來源:《調教你Mirror》截圖)

而Mirror與祖堯、麥子樂的對話中,祖堯指出Frankie於隊內的機會較少,亦常被稱為隱形名單中的人。

Frankie確實是隊內認知度不高的成員。(圖片來源:《調教你Mirror》截圖)
Frankie確實是隊內認知度不高的成員。(圖片來源:《調教你Mirror》截圖)

Frankie 承認初出道確實是隊中的隱形人,對自己非常不誠實。因為即使內心不願意,仍然遷就其他人;但現時已經更主動去爭取機會,感恩現時擁有的機會。

(圖片來源:《調教你Mirror》截圖)
(圖片來源:《調教你Mirror》截圖)

不過Fans就話,今集內容又到喉唔到肺,情緒推到一半就完,皮皮得幾句輕輕交帶,似乎係佢聽明咗祖堯嘅說話但又無體現到。

(圖片來源:《調教你Mirror》截圖)
不過最後皮皮都話好感恩有依家嘅嘢!(圖片來源:《調教你Mirror》截圖)

中間加插:整蠱 AK、Alton、Frankie

祖堯今集就請嚟演員麥子樂整蠱AK、Alton、Frankie!首先安排三位臨時去麵包店打工,麥子樂進場大鬧麵包店,鬧三位找錯錢。不過一開始就話安排畀$1,000再借題發揮找錯錢,後尾就只係找錯$10,喂Viutv你整蠱佢哋3個定整蠱觀眾?

三個人大呻,以為做咗明星唔使做番售貨員。(圖片來源:《調教你Mirror》截圖)
三個人大呻,以為做咗明星唔使做番售貨員。(圖片來源:《調教你Mirror》截圖)

Mirror隊友預先估計「AK 會自掏銀包解決、Alton 出手制止、Frankie 就靜觀其變」;而祖堯就認為 AK 會率先發脾氣,令場面難堪。

麥子樂進場大鬧麵包店後,AK 反而認為自己真係找錯錢,寧願拎$10出嚟解決事情,完全零脾氣仲立即真誠道歉。

AK真係好順攤賠錢。(圖片來源:《調教你Mirror》截圖)
AK真係好順攤賠錢。(圖片來源:《調教你Mirror》截圖)

祖堯最後進場,三位先發現自己被整蠱,Alton 更嘲弄自己真係放低咗戒心!祖堯認為AK的黑面只係會畀信任嘅人睇,當處理大場面的時候,仍然會非常得體。

3位都搲晒頭,點解要將件事搞到咁大。(圖片來源:《調教你Mirror》截圖)
3位都搲晒頭,點解要將件事搞到咁大。(圖片來源:《調教你Mirror》截圖)

幕後投票!我最喜愛Mirror成員

由幕後工作人員一人一票選出最愛的Mirror成員,候選人包括Ian、AK、Tiger!最後由Tiger勝出,由於Tiger不會時常留在中間位置,但每件事都做得好認真!

Tiger的努力大家都睇到!(圖片來源:《調教你Mirror》截圖)
Tiger的努力大家都睇到!(圖片來源:《調教你Mirror》截圖)

最新吃喝玩樂資訊