西貢
西貢

西貢命名原因大拆解!明明位於香港東面 點解叫西貢?! |玩樂熱話

熱話

廣告

西貢,號稱「香港後花園」,除了仍保存住大自然美嘅萬宜水庫,仲有世界地質公園入面的六角火山岩柱以及海蝕地貌,加上浪茄、西灣等熱門行山點,假日一定人頭湧湧,去船P更加唔少得佢,但大家有無諗過,明明西貢係香港東部,點解佢會叫西貢?

西貢究竟「西」喺邊?鄭和下西洋又關事?

西貢名稱嘅由來其實可以話係一個謎,比較流行一個講法係,明代時鄭和為左宣揚國威及促進海外貿易,七次下西洋,各國於是派遣貢使帶同本地特產前來朝貢或經商,而當時香港西面水域連同珠江口一帶被列為軍事禁區,一般商船只能由東面呢一個漁港入口,所以西貢有「西方來貢」之意。

西貢 西貢號稱「香港後花園」。
西貢號稱「香港後花園」。(圖片來源:新假期編輯部)
西貢 西貢明明喺香港東面
西貢明明喺香港東面(圖片來源:Google Maps)
西貢 西貢海鮮街也是必到之處
西貢海鮮街也是必到之處(圖片來源:香港旅遊發展局)
西貢 區內有一個聯合國教科文組認可嘅世界地質公園。
區內有一個聯合國教科文組認可嘅世界地質公園。(圖片來源:香港旅遊發展局)
西貢 西貢山勢特別
西貢山勢特別(圖片來源:香港旅遊發展局)

呢個講法雖然好有說服力,但考究下卻揾唔到歷史文獻去證明。明朝萬曆二十三年(1595)出版《粵大記》,書未所附「廣東沿海圖」入面可以揾到區內蠔涌、沙角尾、榕樹澳、交塘村等地名,但未有記載「西貢」一名。「西貢」最早見於清朝1866年出版,根據傳教士Simeone Volonteri資料繪制的《新安縣全圖》。

西貢
(圖片來源:RTHK《街角有樂》)
西貢 鄭和下西洋後萬國來朝。
鄭和下西洋後萬國來朝。(圖片來源:[email protected]

昔日海防重地 海盜盛行 抗日時期為重要軍事據地

明代時期西貢已經係海防軍事重地,當時名為龍船灣嘅糧船灣以及將軍澳佛堂門都隸屬南頭寨六個水師駐地之一。區內眾多海灣更加係清代被猖獗盛行嘅海盗視為根據地,例如台灣海盜李奇寇喺康熙十五年(1676)登陸西貢蠔涌,屠掠鄉民,當地政府派兵追剿,時至今日蠔涌及相思灣等村仍保留當年以作防禦嘅大炮。

西貢 海賊橫行,沿海百姓民不聊生。
海賊橫行,沿海百姓民不聊生。(圖片來源:電影《神秘寶藏》劇照)
西貢 知縣遣兵剿滅海盗。
知縣遣兵剿滅海盗。(圖片來源:電影《神秘寶藏》劇照)
西貢 村內仍保留防禦之用大炮。
村內仍保留防禦之用大炮。(圖片來源:RTHK《街角有樂》)

雖然西貢沿海特色令海盗猖獗擾民,但地區起伏山巒同眾多嘅海灣喺抗日戰爭期間有著非常重要嘅角色,獨特嘅地勢令該區進可攻、退可守,亦掩護著港九獨立大隊嘅遊擊戰士,屢挫日軍,多次突襲和搶救行動中立下戰功,如果經過斬竹灣可以去睇下矗立當地嘅「抗日英烈紀念碑」,感謝西貢對抗日嘅貢獻!

西貢 西貢為對抗日軍的確功不可末。
西貢為對抗日軍的確功不可末。(圖片來源:[email protected]

常見問題

西貢在哪裡?

在香港東面!

西貢點解叫西貢?

Click入內文睇就知啦!

圖片來源:香港旅遊發展局、[email protected][email protected]、RTHK《街角有樂》、電影《神秘寶藏》劇照

最新吃喝玩樂資訊