西客
西客

西客$10搭車一人霸兩位更粗口橫飛!紅van司機發火趕客扔行李落車|網絡熱話

熱話

廣告

西客真喺咩情況下都會遇到!搭小巴霸幾個位俾幾份錢是常識吧,但琴日有位露營友僅付1人份$10搭紅van,但就霸足2個座位,紅Van司機大佬馬上怒罵,仲趕佢落車,引來大批網友叫好「司機好波」。

西客付$10一人霸兩位 行李亂放一地

天氣熱,人尤其躁底,琴日有網民喺Facebook群組「香港突發事故報料區」報料,指當天搭紅色小巴(俗稱紅Van)時,遇上一位乘客只付一人份$10車費,卻霸足兩個座位,攜帶的一堆露營用品更亂放在小巴車廂靠前位置。

西客 一位乘客只付一人份$10車費,卻霸足兩個座位
一位乘客只付一人份$10車費,卻霸足兩個座位(圖片來源:電影《那夜凌晨,我坐上了旺角開往大埔的紅VAN》截圖)

雙方互相「問候」司機發火趕西客

紅Van司機見狀先是手指指叫其「擺好啲」,後來見對方態度極差,忍不住火氣埋身大罵西客「你當我貨車呀!」,期間兩人不斷高聲以粗口互相「問候」,該名乘客略帶鄉音,不斷叫囂「你唔好X揸嘛」、「望乜X嘢啊」,更挑釁司機「打啊」,激到司機趕對方下車「落車!唔XX做你生意」,更把對方行李放在車外,乘客大叫「唔X扔我啲嘢啊」,更指自己有付車費,司機卻懶理「俾咗錢又點」,隨即退回車費給客人,途中該名乘客不斷亂嗌「你郁我啊拿!你郁我啊拿!」

西客 紅Van司機見狀先是手指指叫其「擺好啲」
紅Van司機見狀先是手指指叫其「擺好啲」(圖片來源:[email protected]香港突發事故報料區截圖)
西客 司機大罵西客「你當我貨車呀!」
司機大罵西客「你當我貨車呀!」(圖片來源:香港突發事故報料區截圖)

司機忍不住串西客「你有銀咪XX搭(小巴)」,乘客只不斷重覆「你扔我啲行李落車」,更揚言要報警,然後雙方又重新一輪「問候母親」,乘客無賴不肯落車,揚言「我坐喺度等你」,司機大鬧「一個坐X晒啊$10」,乘客卻不甘示弱,向司機大叫「攞我啲行李上嚟啊XX」。司機作出讓步,重新把對方行李拾上車,叫乘客「揸X住佢嗌」,交接行李時雙方更一度有些微拉扯。

司機再次叫乘客「坐X埋一邊嗌」,乘客卻死撐「坐乜X埋一邊」,司機忍唔坐爆佢「呢個位人地坐,唔X洗錢啊」,眼神對峙數秒,西客繼續無賴,「擺喺果度唔X俾我擺,咪擺呢度囉」,又嬲到司機同佢嘈,兩人重覆「做X俾你擺」、「等緊你開車」,最後對峙不果,目擊者指最後要報警,西客才讓出座位,搞咗好耐!

網民一面倒撐司機:辛苦司機!

Post一出,網民一面倒支持司機,直呼司機罵得好,大部分網民指乘客如想霸多一個位,應多付$10,有人認為對方行李太多,應該call車而不是搭公共交通工具。有精明網民指,掉咗西客行李出車後,再立即開車就開解決問題,西客就會衝落車執行李。亦有不少網民認為,影片中無一乘客幫司機口,只顧拍片,覺得香港人十分冷漠。

西客 大家都覺得西客不值得幫
大家都覺得西客不值得幫(圖片來源:[email protected]香港突發事故報料區截圖)
西客 掉曬啲行李,然後開車!
掉曬啲行李,然後開車!(圖片來源:[email protected]香港突發事故報料區截圖)
西客 有人認為對方行李太多,應該call車。
有人認為對方行李太多,應該call車。(圖片來源:[email protected]香港突發事故報料區截圖)
西客 其實該乘客俾多$10事情便解決。
其實該乘客俾多$10事情便解決。(圖片來源:[email protected]香港突發事故報料區截圖)
西客 有網民建議扔完該乘客行李便馬上開車。
有網民建議扔完該乘客行李便馬上開車。(圖片來源:[email protected]香港突發事故報料區截圖)
西客 全車沒人幫司機口。
全車沒人幫司機口。(圖片來源:[email protected]香港突發事故報料區截圖)
西客 網民大讚司機做得好!
網民大讚司機做得好!(圖片來源:[email protected]香港突發事故報料區截圖)
西客 紅van司機不能得罪是共識!
紅van司機不能得罪是共識!(圖片來源:[email protected]香港突發事故報料區截圖)
西客 原文
原文(圖片來源:[email protected]香港突發事故報料區截圖)

圖片來源:[email protected]香港突發事故報料區截圖、電影《那夜凌晨,我坐上了旺角開往大埔的紅VAN》截圖資料或影片來源:香港突發事故報料區

最新吃喝玩樂資訊