偷拍
偷拍

揭街頭藝人「飄浮」技巧 男遊客用手機偷拍裙底被網民狠批

熱話

廣告

而家有唔少街頭表演者為賺一角幾毫或為興趣而喺街上進行表演,有跳舞、有玩花式足球、有畫畫等,近日就有一名街頭女藝人大玩「空中漂浮」,不過就被一名男遊客多次偷睇裙底,影片被擺上網後大批網民大鬧男遊客行為令人髮指!

撰文:Evita | 圖片:Facebook@白芯羽

男遊客用手機偷拍裙底被網民狠批

台灣街頭女藝人白芯羽日前喺其Facebook發布一段影片,影片中見到一名女藝人化身成美國自由女神像,手握手杖並喺半空中飄浮,表演位置鋪上一塊草皮,身後擺放兩支欄杆,不過有一個家庭見到時顯得非常好奇。

男子彎腰想偷睇女藝人裙底,不過即刻被女藝人發現,男子就扮無事咁出返圍欄範圍。

之後竟然直接用手機偷影女藝人裙底!

再同一家大細分享。雖然男子應該係想拆穿「飄浮」嘅方法,但係偷影人而且係影女士裙底實在係令人睇唔過眼。

影片被擺上網後至今已有多達7200個留言,網民一致認為男子行為可恥,更有網民表示當日在場,涉事一家係內地人而非台灣人。

有網民指男子偷影人裙底已經構成性騷擾,可以去報警!

大家應該尊重任何藝術表演者,即使係想知道當中端倪,都唔應該做出如此行為。就例如即場拆穿魔術師嘅魔術秘密,係一個唔識尊重人或行業嘅行為。