行山
行山

行山友見膠樽倒插樹枝 狠批缺德破壞大自然 反被人指無知!結果出人意表

熱話

廣告

行山時大家都要好好愛惜大自然,自己垃圾自己帶走。不過,近日就有郊遊人士在欣澳遊玩時,見到有人將膠樽倒插於樹枝,行山人士就即時影相發帖文到社交平台,結果竟然出人意表,原來膠樽倒插樹枝,背後另有玄機!

行山友膠樽倒插樹枝 網民狠批缺德破壞大自然

最近有郊遊人士喺欣澳鹿頸村郊遊時見到有人將膠樽倒插於樹枝,批評有無公德心人士亂拋垃圾,於是在Facebook群組「香港風景攝影會」發問,好奇指:「這三個膠樽是無公德心的人捨棄或是另有作用?」帖文一岀,有唔少網民猜測係郊遊人士亂拋垃圾,個個派嬲。仲話亂拋膠樽嘅行為自私缺德、破壞環境!

行山 膠樽
行山友膠樽倒插樹枝 網民狠批缺德破壞大自然(圖片來源:[email protected] Fong)
行山 膠樽
(圖片來源:[email protected]香港風景攝影會截圖)

更有網民事隔數日到訪,竟然發現膠樽仲未被人清走,即刻影相留言報告

行山 膠樽
(圖片來源:FB:Joe Lei)

反被人指無知膠樽倒插樹枝其實另有作用!

當批評留言越來越多,突然有網民指出膠樽倒插樹枝其實另有作用!其實膠樽可以起保護行山人士的作用。從相中可見在樹下有多條樹枝,雖然樹枝唔係好尖銳,但仍有一定危險性。有網民續指,膠樽可避免行山人士經過時被尖枝插到或受傷,所以相信係有人因為安全理由而就地取材將膠樽倒插樹枝上,並指:「雖然話膠樽會污染大自然,但在臨時有限資源當下最有效保護其他人嘅方法。」

膠樽 膠樽可避免行山人士經過時被尖枝插到或受傷
膠樽可避免行山人士經過時被尖枝插到或受傷(圖片來源:[email protected]香港風景攝影會截圖)
膠樽 晚上膠樽亦有反光作用,提示行山人士。
晚上膠樽亦有反光作用,提示行山人士。(圖片來源:[email protected]香港風景攝影會截圖)

婆說婆有理,公說公有理。同時亦都有網民理性分析好處同壞處平衡一下。而更有趣嘅係,有網民指出呢種做法早喺地盤已經咁做,可能大家少見多怪。

行山 膠樽 有網民指呢種做法地盤工人好早已做緊。
有網民指呢種做法地盤工人好早已做緊。(圖片來源:[email protected]香港風景攝影會截圖)
行山 膠樽 可能大家少見多怪。
可能大家少見多怪。(圖片來源:[email protected]香港風景攝影會截圖)

其實膠樽倒插都只係其中一種保護嘅方法,另外仲有好多各式其式嘅;不過各種方法都有唔少爭議嘅空間,相信要公開討論先可以搵出一個既保護到郊遊人士同時達致環保效果嘅方法。

行山 膠樽 究竟是不是好心做壞事?
究竟是不是好心做壞事?(圖片來源:[email protected]香港風景攝影會截圖)
行山
(圖片來源:TVB《愛回家之開心速遞》劇照)

常見問題

郊遊人士喺邊度見到膠樽度插樹枝?

欣澳鹿頸村

膠樽度插樹枝有咩作用?

可避免行山人士經過時被尖枝插到或𠝹傷

圖片來源:[email protected]香港風景攝影會截圖、[email protected] Fong、 [email protected] Lei、TVB《愛回家之開心速遞》劇照