英女皇
英女皇

英女皇登基70周年 網民盤點5大英女皇香港足跡 第一位人人都去過

熱話

廣告

英女皇登基70周年,亦即係白金禧紀念(Platinum Jubilee)嘅日子,曾經屬於港人嘅「事頭婆」,可以話係香港人嘅集體回憶。網民就趁住呢個時候嚴選5大同英女皇有關嘅香港好去處,除咗當年佢到訪香港時候嘅足跡之外,仲有好多你估唔到嘅地方,好可能就喺你屋企樓下!

英女皇登基70周年 網民盤點5大英女皇香港足跡

英女皇 當年英國女王登基。
當年英國女王登基。(圖片來源:[email protected]

5. 皇后山邨

位於粉嶺嘅皇后山邨非常罕有地用英文意譯命名,並係近呢一兩年先至落成入伙,同鄰近嘅居屋山麗苑係同一個發展項目。皇后山村嘅前身喺皇后山軍營,2007年播出嘅「學警出更」亦都喺呢度取景拍攝。

英女皇 皇后山邨。
皇后山邨。(圖片來源:LIHKG連登討論區截圖)
英女皇 皇后山村遠景。
皇后山邨遠景。(圖片來源:LIHKG連登討論區截圖)

4. 愛民邨

何文田愛民邨原來係香港第一代公屋,特色係井形嘅天井。係1975年愛民邨初落成嘅時候事頭婆同佢老公就係訪港期間嚟咗愛民邨參觀康民樓六樓其中一住戶。當年因為愛民邨得到左「九龍模範邨」嘅稱號,吸引咗唔少遊客同市民嚟參觀,連村內舖頭都賣英女皇周邊商品!

英女皇 街坊們一睹女皇風采。
街坊們一睹女皇風采。(圖片來源:LIHKG連登討論區截圖)
英女皇 原來事頭婆都有落區。
原來事頭婆都有落區。(圖片來源:LIHKG連登討論區截圖)

3. 中環皇后碼頭

皇后碼頭當年係位於中環一個可供小型船隻泊岸嘅公眾碼頭,2007年宣布拆卸計劃時候仲引起爭議同保育人士嘅反對。原來當年女皇訪港,就係喺啟德機場降落後搭船喺皇后碼頭上岸,再喺大會堂對出空地最舉行歡迎儀式。而家大家可以去中環9號、10號碼頭望下海懷緬下皇后碼頭舊址。

英女皇 當年嘅歡迎儀式可以話係萬人空巷。
當年嘅歡迎儀式可以話係萬人空巷。(圖片來源:LIHKG連登討論區截圖)

2. 中環半山

除咗愛民邨之外,英女皇仲喺嘉咸街堆檔口同檔販傾偈,問吓佢菜心幾錢斤,可唔可以搭棵蔥(好似係咁)。若然要視察民情,民生最基本嘅就係食,去街市睇吓市民問傾吓計,仲可以顯出事頭婆貼地嘅一面。其實就算佢冇嚟過,呢度本身都充滿着香港昔日嘅氣息!

英女皇 老闆話搭埋咋芫荽俾你都仲得。
(圖片來源:LIHKG連登討論區截圖)

1. 維多利亞公園

香港最熟悉嘅英女皇非維園莫屬,因為公園正門亦都係高示威道入口樹立左一個維多利亞女皇銅像,係為咗慶祝女皇登基50周年鑄造,原本放喺皇后像廣場,後來被安放於維多利亞公園,就趁住呢個禮拜,去維園扮吓文青野餐或者打下波最適合不過!

英女皇 雖然唔係同一個事頭婆,都係叫英女皇!
(圖片來源:LIHKG連登討論區截圖)
英女皇 維多利亞女皇喺維多利亞公園,係好理所當然。
維多利亞女皇喺維多利亞公園,係好理所當然。(圖片來源:Google Maps)

常見問題

英女皇去過愛民?

1975年愛民邨初落成嘅時候英女皇曾到訪愛民邨參觀康民樓六樓其中一住戶…更多詳情

英女皇去過皇后碼頭?

當年女皇訪港,就係喺啟德機場降落後搭船喺皇后碼頭上岸…更多詳情

圖片來源:[email protected], LIHKG, Google Maps

最新吃喝玩樂資訊