自助餐
自助餐

【 自助餐 放蛇起底組】快閃價! $299生蠔靚蟹半自助餐

熱話

廣告

食 自助餐 邊間好?最近不少酒店都推出期間限定的超筍價 自助餐 ,今次再有新發現!隱藏在觀塘工廈區中的如心艾朗酒店,推出六折的半自助晚餐,每人$299(已連加一),包括一份以蟹為主題的主菜,另加 自助餐 區的即開生蠔、海鮮凍盤及甜品任食,聽落非常吸引,即刻訂枱試!

七款靚蟹主菜任選

試食當晚是星期三,可能酒店位置比較僻靜,現場所見唔算爆場,食客多數都是香港人,不少更是年青人。坐低之後,店員就會給你一部iPad先揀選主菜,高科技又方便。話明以蟹為主題,當然要數下有多少款蟹類菜式。除了有近期大熱、秋季必食的清蒸大閘蟹之外,更有北海道牛乳蟹鍋、九層塔咖哩肉蟹、金銀蒜粉絲蒸紅花蟹、海鮮焗蟹蓋、吉烈蟹餅配香芒莎莎及蟹肉意粉等,有齊中、西、日、泰式。唔想食蟹都可以揀燒春雞、澳洲肉眼牛扒及煎挪威三文魚柳等。

buffet19a
餐廳環境寧靜,而且坐得舒服

 

buffet18a
多款蟹類主菜可供選擇
buffet17a
用iPad揀主菜,高科技!

回本位(一):Buffet區三款即開生蠔任食

揀完主菜,就會有大約半小時的時間,讓你先吃 自助餐 區的前菜。別以為半 自助餐 的前菜只有簡單款式的沙律,這裡就豪氣地提供三款即開生蠔任你食,包括澳洲、紐西蘭、法國的生蠔,雖然品種未明,但總算望落隻隻水潤有光澤。

buffet12a(1)

綜觀三款生蠔,最抵讚的是法國生蠔,除了啱時令,蠔肉都是最飽滿肥美,蠔味濃郁,先是鹹鹹的海水味,再滲出金屬味,層次較多,蠔肚也Juicy爆汁。紐西蘭生蠔屬合格之選,蠔肉爽口,味道也鮮甜,After-taste尚算長久;澳洲生蠔最細隻,也很薄身,淡而無味,勝在水份足。不過開蠔師傅手勢未夠純熟,每隻生蠔都夾雜不少蠔殼碎,影響口感。雖然略有不足,但生蠔款式比坊間 自助餐 仲要多!食蠔都夠回本、夠滿足了!

回本位(二):再來海鮮凍盤任食

三款生蠔已經好驚喜?未算!這裡還有幾款海鮮凍盤任你食,包括阿拉斯加皇后蟹腳、麵包蟹、青口、翡翠螺及凍海蝦。味道都算中規中矩,必食皇后蟹腳,Size仲長過隻碟,一梳梳的蟹肉,味道超甜多汁,蟹味勁出!值得無限Encore呀。不過青口偏鹹;麵包蟹唔算多膏,勝在肉多;海蝦賣相頗黑,唔算新鮮,還好唔腥無怪味,肉質尚算彈牙。

回本位(三):勁食五款新鮮刺身

食完凍海鮮,記得要食埋即切刺身。一般平價 自助餐 只得兩、三款大路款式的刺身可選,不外乎三文魚、甜蝦、蟹棒,這裡居然一反傳統,有齊三文魚、甜蝦、吞拿魚、希靈魚和鱲魚刺身,每次取的件數及款式無限,而且件件厚切,魚鮮十足,冰凍程度也剛剛好,唔會有碎冰的感覺,好抵讚!

buffet13a

除此之外都會有壽司、沙律、凍火腿等的十多款前菜任食,比起一般半 自助餐 還要多選擇,真係齋食前菜都已經回本。

buffet11a

侍應見我們奮戰完生蠔、海鮮、刺身,就送上主菜喇。

主菜 日式 – 北海道3.6牛乳蟹鍋

用石鍋盛載,熱辣辣,還有滾燙像熔岩的泡泡,撲鼻一陣蟹膏香。急不及待睇下隻蟹有幾大,誰知只得四小件蟹身、兩隻蟹鉗及一隻瘦弱的蟹腳,真係有少許失望!不過食落味道不錯,蟹肉雖少,但味甜;牛乳湯奶白色很潤滑,裡面的蔬菜令湯的味道更甜,配合奶香及豆腐的豆香,順喉舒服,女生必喝!

buffet7a
原個石鍋塞滿晒,好足料!
buffet16a
不過隻蟹就真係瘦咗少少囉,又唔夠一隻蟹,失望。

主菜 中式 – 金銀蒜粉絲蒸紅花蟹

一上桌已經覺得很吸引,原隻紅花蟹斬開再砌回蟹的形狀,上面鋪滿蒜蓉,底層有吸盡湯汁的粉絲,未食已經聞到好香。打開蟹蓋一睇仲有頗多蟹膏!已經忍唔住落手大啖食,非常惹味,蒜蓉、湯汁和蟹肉味道超夾,小編食到進入忘我狀態,仲想舉手叫多碗白飯!勁滿足。

buffet8a
非常好食又惹味,即刻加返唔少分數!

來到甜品時間,同樣是 自助餐 區任食。款式和數量繼續黐線!最豪氣就是三款Mövenpick雪糕,士多啤梨、榛子、楓糖合桃,再加六款Toppings,好邪惡呀!另外還有朱古力噴泉,由水果到綿花糖、手指餅都有,味道香甜,朱古力味濃郁。

buffet9a
Mövenpick雪糕,好吸引呀!

甜品區還有十多款的奶凍、蛋糕可供選擇,賣相不錯。

buffet0a

必食班蘭奶凍,青綠色的外表下完全無中伏,奶凍震騰騰,口感滑溜,班蘭葉和椰奶味道勁出!黑芝麻奶凍都好好味,芝麻味好香,拍得住生磨芝麻糊的焦香。

buffet3a

不過甜品中都有中伏位。意式奶凍望落就靚,可惜入口一股藥水味,唔係杏仁,亦唔係香蕉味,總之就係唔好味,即刻放棄。芝士蛋糕味道一般,質素和普通餅店買到的芝士蛋糕相若;雜果蛋糕平平無奇,濕潤感亦不足。但以半 自助餐 形式而言,這裡的甜品算係幾有誠意。

buffet4a

總分:8 / 10

本來以為半 自助餐 一定無乜驚喜,流於簡單、平凡,起初抱不大期望。誰知食過先知表現超班!主菜味道及質素都頗高,是平價酒店中難得找到的優質菜式,只係略嫌蟹的Size偏細,單純食蟹確實未夠滿足。 自助餐 任食的款式非常滿意,三款生蠔任揀任食,凍海鮮及刺身都新鮮,甜品也是誠意之選,認真係乜本都回晒!最重要係價錢激平,埋單每人只係$299,仲要唔使加一,今時今日去邊搵?真係抵到笑,食得過!

不過溫馨提示你,這個半 自助餐 話明係快閃價,$299的優惠只限星期一至四,不過星期五至日,公眾假期及前夕都只是$329,仍然好平。而且優惠期只係去到10月30日,趁現在未算爆場,想食就快啲book位喇!

forte

地址: 觀塘創業街38號如心艾朗酒店2樓(顯示地圖

查詢: 3968 8222

供應時段: 6:30pm – 9:30pm

收費: (星期一至四) 成人$299;小童$159
(星期五至日、公眾假期及前夕)成人$329;小童$179,以上價錢已包加一服務費
備註:優惠期至10月30日
延伸閱讀:
【自助餐 放蛇臥底組】$428 海鮮雙子塔 50呎長甜品枱
【 養生食療 】紅豆水大熱!Big Bang 每日$10減肥法
【超市零食伏‧唔伏】叮叮咖喱飯VS榴槤爆谷 邊款領嘢?