【自助餐放蛇起底組】$118雞煲火鍋 屯門放題新場
【自助餐放蛇起底組】$118雞煲火鍋 屯門放題新場

【自助餐放蛇起底組】$118雞煲火鍋 屯門放題新場

惹味 雞煲 人人都愛,但在市區食閒閒哋都要二百蚊先落到樓,今次帶大家來到屯門工業區的一間雞煲店,超抵價$118免加一。如果宵夜時段9pm後去重破抵價$98,還有燒蠔、乳鴿等熟食供應,很想去吧?等我哋立即放蛇試食!

一坐低,店員就同我哋講限時2小時,可以揀 雞煲 或醉 雞煲 ,出面有熟食及飲品自助區域,火鍋可以劃紙仔落單,最重要的是量力而為,珍惜食物!

火鍋、飲品選擇大路

望下張火鍋紙先!配料選擇都大路,美國肥牛、生蝦、豬皮、墨魚滑、丸類、芝士腸、菜等都一應俱全。而農場雞、燒蠔,入場價只係包1人1隻,想要額外添食的話就要再俾錢。好傷心,原來燒蠔唔可以任食!

飲品可以自己出去拎,有汽水、啤酒、涼茶及樽裝水。

7
飲品可以自己拎,汽水、啤酒、涼茶都有。

未食 雞煲 先送燒茄子+燒蠔

我哋拎完飲品返位時,有碟燒茄子在我們枱上!問了店員,原來是送的!每人1件,好驚喜喎!

8
送一碟燒茄子!

茄子都未食完,又送多碟燒蠔!都係每人1件,蠔上面啲油重滾熱辣。而且都落足料有好多蒜蓉,未食已經聞到好香。先試第1隻,入面有2小粒蠔,原來已經預先幫你將隻蠔切離蠔殼,吓?蠔殼會唔會重用嫁……

11 copy
送的炸蠔熱辣辣,好吸引!

試味時間,第1粒蠔好細粒,肉質好薄,但燒完之後都幾惹味。第2粒蠔雖然大隻小小,但肉質好韌!

10]
第1隻蠔有兩小粒蠔在內,蠔殼會唔會重用嫁?
5
第2隻好肥美大隻!

再試第2隻蠔,這隻入面有原粒大大隻的蠔,肉質明顯比上一隻飽滿,一咬落去蠔汁標晒出來,好肥美而且無腥味,小心辣親啊!乜同上一隻咁大分別,質素咁參差嘅?

濃味雞煲 可惜雞件不夠滑

6
雞煲份量都ok,但肉質不夠嫩滑,失望!

等了十分鐘, 雞煲上枱!2人份量有半隻雞,望落去雞件都幾大件,幾有肉哋,而且份量都OK,兩個人食都夠分!不過…味道方面就有少少失望,食落雞肉都幾入味,肉質都彈牙,但略嫌雞肉唔夠嫩滑!

自助區域有咩食?

火鍋配料除了劃紙仔,原來都可以出去自助區拎,自助區都有丸類、菜、響鈴,重有劃紙仔上面無的炸魚皮!不過肥牛、滑牛肉、墨魚滑等比較搶手的食物就要劃紙仔了!

K3
火鍋配料原來有自助區域!

熟食區食物都清得七七八八,有好多空碟但都未有人refill,最想食的乳鴿早已被人搶晒,要金晴火眼望住個熟食區幾時refill!

K4
熟食區都清得七七八八,但無人refill!

 

平日都爆場 人手不足

返埋位劃紙仔,不過原來要成功落紙都幾艱難!樓面得2個人,雖然他們都好勤力喺個場到周圍穿梭,但喺我叫咗幾次佢哋都聽唔到,小記更要行出去收銀將紙仔比店員,但佢哋好好禮貌,有同我講唔好意思,算數啦!

落紙點了肥牛、滑牛肉、墨魚滑及響鈴,前三樣嚟齊,但響鈴仍然無跡影。好不容易見到店員refill,立即衝出去夾,但都好受歡迎,瞬間俾人清了半盒,想食就要不時留意住啦!

2
2人份量都ok!

 

矜貴乳鴿 手快有手慢無

終於有乳鴿啦!9秒9衝出去,但都已經俾人夾咗好多,到我夾時都只得3件,出爐1分鐘就已經夾清光,超快!

12
拎乳鴿要衝出去!

這隻珍貴的乳鴿,外皮都幾脆,肉質好滑,富肉汁,有得食多幾隻就好了!!!

13
外皮脆、肉質滑,可惜Refill速度慢

 

任食熱辣辣甜品

打完邊爐,估唔到重有糖水食!出面自助區域有得拎芋頭西米露及蕃薯糖水,兩碗都熱辣辣,芋頭西米露好香甜,但出面糖水櫃啲芋頭都已經無乜;蕃薯糖水一入口都甜,後勁帶少少辣,如果再落多少少薑辣返啲就perfect啦!

14
好香甜的芋頭西米露!
15
蕃薯糖水多啲薑會更好!

總結:

雖然價錢好平好吸引,火鍋食物選擇都大路,但 雞煲 的質素麻麻,而且搶手嘢例如乳鴿、熟食、響鈴等都喺手快有手慢無,一不留神就無得食,成日要望住好攰啊!如果住屯門的朋友都可以一試,但是住市區的朋友,我就唔建議你山長水遠入屯門食啦!

總分:6/10

 

K1

良景鮮味 雞煲 火鍋

地址:屯門新平街2號屯門工業中心B座地舖(顯示地圖
電話:2462 1591
營業時間:星期一至六,星期日休息
晚飯時段: 5:30pm-9pm 成人$118;小童$98
宵夜時段: 9pm-12am 成人$98;小童$68
備註:用餐時間:入座時間起計120分鐘;只收現金

 

延伸閱讀:
【18區掃食】三角公廁搵食 尖咀七大$100有找推介
街頭小食新登場!邪惡黑白魚蛋 【佐敦食乜好】

最新吃喝玩樂資訊