MIRROR演唱會
MIRROR演唱會

老闆要求全公司停工齊撲MIRROR演唱會飛 打工仔揭老闆搶飛超黑暗原因

熱話

廣告

MIRROR早前宣布7月進軍紅館開演唱會,鏡粉們一票難求,不少人每日留意搶飛最新消息,只為見12位鏡仔一面,但現實是「黃牛飛」有傳已炒至高達6萬元一張。近日有人在「辦公室日報」上投稿,指他老闆為求搶MIRROR演唱會票,要求全公司上下一齊幫手搶飛,成功搶到仲重重有賞,原來搶飛背後有老闆超黑暗原因!

老闆要求全公司停工齊撲MIRROR演唱會飛
打工仔揭老闆搶飛超黑暗原因

MIRROR官方宣布進軍紅館,MIRROR演唱會2022《MIRROR.WE.ARE LIVE CONCERT 2022》即將在7月25日展開,一連舉行10場,鏡粉們隨即到處搶飛!近日一名打工仔投稿至「辦公室日報」,指日前某信用卡客戶可優先訂購MIRROR演唱會門票,他老闆提前一日已籲員工提早上班,因為要全公司上下一齊撲飛,仲話買到飛會「重重有賞」,他直言平時有大生意都無咁緊張。

MIRROR演唱會2022 MIRROR演唱會2022
MIRROR演唱會2022(圖片來源:[email protected]
MIRROR演唱會 MIRROR演唱會2022
MIRROR演唱會2022(圖片來源:[email protected]
MIRROR演唱會 老闆要求全公司停工齊撲MIRROR演唱會飛
老闆要求全公司停工齊撲MIRROR演唱會飛(圖片來源:ViuTV《大叔的愛》截圖)

老闆第一大「吸引」Offer

雖然公司上下有20多部電腦,但最終無人成功搶飛,而老闆要求全部員工停工搶飛的舉動可謂癱瘓公司運作,鏡粉同事更直言「睬你都傻,老細大晒呀?我自己唔使買呀?入到去我自己買唔會出聲啦!」原本以為事件會就此落幕,打工仔指老闆之後更「癲到打啲客同埋Agency嘅主意」,因為本身公司有搵廣告Agency做Campaign同宣傳,而當中幾間Agency之前都分別做過鏡仔有關的Job,所以叫他們去「R飛」,令他感覺難做。

MIRROR演唱會 老闆要求全公司停工齊撲MIRROR演唱會飛
老闆要求全公司停工齊撲MIRROR演唱會飛(圖片來源:TVB《愛回家》劇照)
MIRROR演唱會2022 MIRROR演唱會2022
公司上下有20多部電腦,但最終無人成功搶飛(圖片來源:[email protected]

老闆第二大「吸引」Offer

老闆更指可以應承Agency,如成功R飛的話公司可以再做一次Campaign,但就被打工仔質疑前排先話無Budget。後來Agency回覆「保錡都無飛啦,我二打六嚟㗎咋!」因為今次演唱會由某間保險公司贊助,於是老闆再周圍問人識唔識呢間保險公司的經紀,「話如果拎到飛可以將公司啲強積金轉晒過去喎…」

MIRROR演唱會2022 MIRROR演唱會2022
MIRROR演唱會2022(圖片來源:[email protected]

後來打工仔揭穿老闆搶飛的黑暗原因,他指該老闆並非女性,加上是一名中坑,對MIRROR基本上是無感,但因為他單身,「呢期溝緊條女,對方細佢10年,係姜濤fans,所以咪要用盡一切手段搶演唱會飛囉。」

MIRROR演唱會 後來打工仔揭穿老闆搶飛的黑暗原因
後來打工仔揭穿老闆搶飛的黑暗原因(圖片來源:[email protected]
MIRROR演唱會 原來撲飛只為追女仔
原來撲飛只為追女仔(圖片來源:韓劇《鬼怪》劇照)

來源:辦公室日報

常見問題

老闆提出什麼條件叫員工幫忙?

打工仔指老闆稱只要買到飛,即重重有賞,以及…詳情

老闆叫全公司齊搶飛的原因是?

該名打工仔指,老闆叫搶飛另有目的,原來是…詳情

圖片來源:辦公室日報、[email protected]、TVB《愛回家》劇照、ViuTV《大叔的愛》截圖

最新吃喝玩樂資訊