回顧絕版經典零食!6大童年回憶:四方果停產7年、巨星雪條翻生|網絡熱話
回顧絕版經典零食!6大童年回憶:四方果停產7年、巨星雪條翻生|網絡熱話

回顧絕版經典零食!6大童年回憶:四方果停產7年、巨星雪條翻生|網絡熱話

經典零食「四方果啫喱」原來已經停產接近7年,有唔少網民都話「又一個童年回憶破滅」,覺得好可惜好想再食。其實有不少兒時經典零食已經消失咗,你又知幾多?我哋一齊回味下那些「童」年嘅味道,睇你食過幾多樣!

撰文:新假期編輯部|圖片:新假期資料室

6大絕版經典零食

1. 四方果啫喱

首創日期已無從查考,但喺香港銷售近20年,最初由牛奶公司生產,1997年左右牛奶公司向雀巢公司出售股權後,改由雀巢營運。

細細個一去超級市場都會叫媽媽買四方果啫喱返屋企,每次都諗好耐要買咩味,因為小孩總是貪心的!最傳統口味有士多啤梨、黑加侖子、青檸同荔枝,近年仲推出咗新口味「忌廉梳打汽水」,仲有用飲管吸啜新食法添,好可惜官方稱或會影響健康為理由而停產。

四方果絕對係小學飯餐的童年回憶!
四方果絕對係小學飯餐的童年回憶!(圖片來源:網上圖片)
02
依家超級市場只係淨得日韓啫喱賣,取代咗四方果。(圖片來源:新假期資料室)

2. 絕版巨星雪條

嘉頓出品嘅三色雪條,有彩虹碎糖、雲呢拿味同西瓜味雪條混合而成。以為食落好奇怪咩,但竟然出奇地match!佢外形其實同宜家嘅手工雪條差唔多,不過價錢平過手工雪條成條街!上年阿波羅就推出咗「SuperStar」雪條,外形似足巨星雪條,唯獨底層口味係士多啤梨味而非西瓜味,懷緬經典零食必試!

嘉頓出品嘅三色雪條,有彩虹碎糖、雲呢拿味同西瓜味雪條混合而成。
嘉頓出品嘅三色雪條,有彩虹碎糖、雲呢拿味同西瓜味雪條混合而成。(圖片來源:新假期資料室)
上年阿波羅推出的「Super Star」雪條(圖片來源:網上圖片)
上年阿波羅推出的「Super Star」雪條(圖片來源:網上圖片)

3. 消失的香口膠黃箭白箭

香口膠牌子,最記得一定係箭牌香口膠!當年有3款口味,白箭同綠箭都係薄荷味,但後者較甜、仲有黃箭水果(香蕉?)味。想當年,小朋友嘅我最鍾意黃箭,因為味道係最甜,但現時黃箭白箭經已絕迹香港,只有綠箭香口膠有得買,不過再唔係一條條獨立包裝喇。

白箭黃箭或者在外國都能夠搵到!
白箭黃箭或者在外國都能夠搵到!(圖片來源:新假期資料室)
黃箭的口味並非薄荷味!
黃箭的口味並非薄荷味!(圖片來源:網上圖片)

4. 最早期薄荷糖 嘉綠仙

當年嘅嘉綠仙係好似eclipse薄荷糖咁出名,身邊朋友總會有人袋住一盒旁身,之後出咗迷你嘉綠仙,仲方便攜帶添!依家喺日本仲有完全唔同包裝的「嘉綠仙」賣,不過味道道未知是否一樣了。

嘉綠仙好似eclipse薄荷糖咁出名。
嘉綠仙好似eclipse薄荷糖咁出名。(圖片來源:網上圖片)

「係嘉綠仙至夠勁」係當年深入民心嘅Slogan,你仲記唔記得?



5. 暴暴飯焦

香港著名食家蔡瀾喺1990年代中進軍飲食業,推出暴暴飯焦,聽個名完全唔知係乜,拆開佢銀色包裝先知原來係肉鬆米餅!肉鬆米餅有推出唔同口味,如紫菜味等等,但都係原味最好食!

有幾多人食過暴暴飯焦?
有幾多人食過暴暴飯焦?(圖片來源:網上圖片)

6. 女士最愛減肥雪糕 TCBY

TCBY係美國乳酪雪糕,TCBY意思係「The Country’s Best Yogurt」,以保健、唔油膩做gimmick,人稱「減肥雪糕」,曾經係全球發展超過3,000家專賣店,不過TCBY已經徹出香港,想回味就要去美國至有。以前Logo係綠色方形字體,宜家變咗粉紅色Logo,好陌生呀。

01000000000000119092616803935
以前綠色舊Logo。(圖片來源:網上圖片)
回顧絕版經典零食!|網絡熱話
宜家Logo變咗粉紅色。(圖片來源:網上圖片)

當年嘅廣告都好新穎好搞笑,分別有香港小姐冠軍李珊珊同台灣女星吳辰君出演,你有冇印象呢?


大家知唔知係香港邊度仲有得買呢啲經典零食?有嘅話記得話畀我哋知!

最新吃喝玩樂資訊