狂送禮物 港妻不忿多年來未收過奶奶回禮  老公公開真相勸別再嘥錢|網絡熱話
狂送禮物 港妻不忿多年來未收過奶奶回禮  老公公開真相勸別再嘥錢|網絡熱話

狂送禮物 港妻不忿多年來未收過奶奶回禮 老公公開真相勸別再嘥錢|網絡熱話

禮物 不能亂送,總有「吃力不討好」的時候,一名新抱於社交平台發文,指自己經常買禮物送給奶奶、姑仔,惟二人每次都面有難色。後來老公勸喻她不要再浪費金錢,她還是不明白,遂將事件公開,求助於網民。結果帖文惹來很多網民留言,大多數人都叫她不要再送禮物:「咁堅持做乜?」

撰文:Clara | 資料、圖片授權:當事人HL HL、圖片授權:Shutterstock| 原文刊於:Sunday Kiss

港妻狂送禮物給奶奶 老公勸別花錢

近日一名新抱於Facebook討論區「同住奶奶好惡頂自由討論區」發文,公開與老公上班前的對話。事緣這位媽媽經常買禮物給奶奶、姑仔,早前又去荃灣用40港元與20港元分別買了韓國製造的企鵝與花花造型洗碗棉,打算送給二人:「超好用,仲有幾個不如送兩個畀你媽同你妹」,怎料老公面有難色兼假笑,列出3個原因勸她不要再送禮物:「似大陸做喎..可能未必啱阿妹,阿媽都未必會用。咁平唔好送喇,阿妹未必鍾意,阿媽可能會玩吓。同埋阿媽見你買咁多個,又話你做咩成日洗錢㗎喇…」

港妻狂送禮物給奶奶 老公勸別花錢(圖片來源:當事人HL HL)
港妻狂送禮物給奶奶 老公勸別花錢(圖片來源:當事人HL HL)

她反駁兩件禮物價值並不便宜:「其實洗碗棉一個成40蚊唔算平嘢,20蚊都唔算平,佢哋仲成日話我買嘢咩?」老公繼續勸她:「唔係…唉…望落似係平嘢,你送畀佢哋,佢哋又未必用,你不如自己用喇。」她反駁奶奶經常買便宜禮物給她,她都沒有嫌棄:「你媽成日買兩蚊店嘢畀我㗎喎!」老公語氣開始強硬,指妹妹很大機會不喜歡她的禮物:「佢買畀你,但佢唔會買畀阿妹,兩蚊店啲嘢唔啱阿妹㗎!」

港媽抱怨多年來零回禮 老公剖白內心話

港媽抱怨多年來零回禮 老公剖白內心話(圖片來源:Shutterstock)
港媽抱怨多年來零回禮 老公剖白內心話(圖片來源:Shutterstock)

這位新抱聽到老公態度開始「撩交打」,於是放棄送禮物,但責怪奶奶、姑仔從沒有送她回禮:「咁算喇,話時話,收我咁多禮物,咁多年,回禮一份都無,又唔講多謝。」老公為家人解畫,指他們只是比較忙,未有時間挑選回禮,但每次都會講多謝,她不接受解釋:「其實你妹收我咁多禮物,回支護手霜都好。唔係錢問題,佢又唔講多謝,咩回禮都未試過,我真係唔想再買野畀佢!」

老公不想再為此事吵架,坦言她們並不喜歡其禮物:「佢其實都講過唔鍾意你啲品味,你買嘢係你識做,唔好要求佢多謝喇。你做好自己本份,你買嘢畀阿妹阿媽,其實我都易做人啲,但呢啲唔使喇,唔係呢啲…」

港媽抱怨多年來零回禮 老公剖白內心話(圖片來源:Shutterstock)
港媽抱怨多年來零回禮 老公剖白內心話(圖片來源:Shutterstock)

網民:無人想收到你嘅禮物

大多數網民都認為既然奶奶、姑仔不會欣賞,這位新抱再送都不會為自己加分,不如將錢留下來,好過浪費金錢,又令對方覺得困擾:「你老公都嫌棄口吻,仲晤醒水?其實人地都做到好明顯,好似得你一廂情願,收手吧師主」、「你付出咗,無回報又唔開心,我收到又要搵位放,所以你老公確實講得無錯」。

有網民提醒她心態要改變,不應太計較,期待別人回禮:「唔想你一送我又要諗咩回禮,講真好煩,寧願你唔好送」、「又要付出,人地唔鍾意,又夾硬來,又要對方同樣回報你!好煩!」但她解釋自己買過最貴8,000港元酒店費用,又買過2,000元港玉器送給她們,對方只回禮幾百港元按摩療程,以及幾十港元卡片套:「係咪佢永遠都唔感激,覺得垃圾係佢啱?咁我收二手匙扣+兩蚊店嘢,同佢啲Cheap按摩券+卡套,每次誠心多謝,又係我錯 ? 點解唔話佢無禮貌呢?」

網民對她的答覆表示不解:「但你又話佢無送返嘢畀你嘅? 依家你又話佢有送。你覺得人地啲嘢Cheap,人哋都覺得你送嘅嘢係Cheap,根本大家都唔鍾意對方。」睇完網民的留言,最後這位新抱表示明白,並感謝大家的建議,承諾以後不會再亂送禮物給奶奶、姑仔。

網民:無人想收到你嘅禮物(圖片來源:Facebook截圖)
網民:無人想收到你嘅禮物(圖片來源:Facebook截圖)
狂送禮物 港妻不忿多年來未收過奶奶回禮  老公公開真相勸別再嘥錢|網絡熱話
(圖片來源:新傳媒資料庫)

關鍵詞
婆媳問題

最新吃喝玩樂資訊