移民 男友
移民 男友

傾好移民生小朋友男友突然反口 90後港女超失望欲分手!|網絡熱話

熱話

廣告

最近有網民在討論區分享與男友因為移民問題而面臨分手危機, 事主表示在認識男友前,大家都以將來移民生小朋友為目標,不過近日事主與男友提移民的事,男友卻改變想法,令事主十分驚訝,更詢問一眾網民可以如何解決。

與男友以移民目標為目標

女網友與男友都是28歲,二人透過婚姻介紹所認識。事主認識男友前已計劃5年內移民英國或澳洲,加上她喜歡小朋友,所以結婚後計劃會生2個小朋友。不過她表示香港不適合生小朋友,「我甚至覺得香港唔適合人生存,周圍發生嘅事真係令人好抑鬱。」由於當時男友的擇偶條件與事主相乎, 於是二人後來就決定拍拖。

移民 女網友與男友都是28歲,二人透過婚姻介紹所認識。
女網友與男友都是28歲,二人透過婚姻介紹所認識。(圖片來源:[email protected]

二人都有WFH的工作

事主今年畢業後順利找到一份可以work form home的工作,「移民都可以返,唔使擔心移民會失業。男朋友份工都係咁,我哋兩個各有大約80萬儲蓄,經濟上無大問題。按我哋一直計劃,我哋應該會係下年年頭或年中走,咁我就開始做啲實質嘅工作,填表格,睇吓英國租屋同搬屋資料咁。」

移民
(圖片來源:《愛回家之開心速遞》劇照)

男友突然指在香港都可以生小朋友

怎料有日男友表示其實在香港都可以生小朋友,男友的哥哥已經生了三個小朋友,無諗過移民生活都好幸福。不過事主聽畢就十分錯愕,「問佢係咪認真,佢話係。佢呀嫂無業mk妹嚟,佢呀哥收入得萬三,排緊上公屋未上到,依家住啲好細間嘅套房,五個人一間房,三個小朋友瞓上格床,佢同老婆瞓下格床。三個小朋友要係間屋生活都唔容易,特別係細仔升咗小學,每次做功課其中一個小朋友要坐喺床用枱仔,另外兩個小朋友用飯枱,睇到都『牙煙』。」

移民 怎料有日男友表示其實在香港都可以生小朋友,男友的哥哥已經生了三個小朋友,無諗過移民生活都好幸福。
怎料有日男友表示其實在香港都可以生小朋友,男友的哥哥已經生了三個小朋友,無諗過移民生活都好幸福。(圖片來源:[email protected]

政治因素決心離開香港

除了男友突然提出不移民和想留港生小朋友外,事主直言他們之間最大問題是政治立場,她身邊的護士朋友,有小朋友的都已經移民,「因為佢哋見到19年開始多咗好多人因為社會事件而自殺,好多人因為抑鬱入院。」事主表示很難教小朋友避開政治字眼及場景:「呀仔,呢幾個字唔可以再講」、「我要教佢唔好睇新聞?」

移民 除了男友突然提不移民和想留港生小朋友,事主直言他們之間最大問題是政治立場。
除了男友突然提不移民和想留港生小朋友,事主直言他們之間最大問題是政治立場。(圖片來源:TVB《不懂撒嬌的女人 》劇照)

男友沒有答應事主移民

事主將想法與男友討論,不過男友只表示會再想一下,並沒有答應事主移民,「明明我哋一直為移民做好計劃,甚至佢喺我畢業寫咗張卡畀我,話希望我哋後年嘅今日我哋會Tower Bridge唱london bridge is falling down,我以為我哋一直向同一個目標前進,但到依家我再問佢,佢同我講佢唔肯定,佢唔知道佢到底移唔移民。」

移民 事主將想法與男友討論,不過男友只表示會再想一下,並沒有答應事主移民。
事主將想法與男友討論,不過男友只表示會再想一下,並沒有答應事主移民。(圖片來源:[email protected]

偷睇電話先知真相:「我以為我改變到佢諗法」、「我一開頭無諗清楚」

後來有日事主偷睇男友與他哥哥的聊天對話,才發現男友的真正想法!他向哥哥自爆說自己一開頭未想清楚就開始這段關係,更自信以為自己能改變事主想移民念頭,但最後卻失敗。

移民
(圖片來源:《她的私生活》劇照)

事主欲提分手

就以上對話,事主已明確知道2人好難繼續一起,「係愛嘅,但每個人都有自己想要嘅嘢,就係因為唔想經歷咁嘅場面,咁我一開始先會用呢啲條件揀男朋友,我以為我哋傾好咗。但佢喊得好犀利,又話求下我唔好咁快作決定,唔好分手。其實我都好兩難,佢對我好好,我都好愛佢,於是傾好話佢最遲下年2月要話比我知個決定,因為最遲我下年年尾真係要走。」

移民
(圖片來源:《愛回家之開心速遞》劇照)

網民:根本你男朋友一開始就係呃緊你

事主指與男友相處開心,但現在因移民問題,每日都覺得幸福好似倒數中,大呻好辛苦,更詢問一眾網民有無好提議,「其實係咪應該長痛不如短痛?」不少網民紛紛留言,建議樓主與男友分手,「如果係咁無謂再一齊落去,大家價值觀差太遠」、「移民真係要好大決心,都好難逼」、「根本你男朋友一開始就係呃緊你,諗住一齊咗就可以氹到你留低,你咁清楚自己想點,其實都唔使上嚟問,信自己,忠於自己」。

移民 事主指與男友相處開心,但現在因移民問題,每日都覺得幸福好似倒數中,大呻好辛苦,更詢問一眾網民有無好提議。
事主指與男友相處開心,但現在因移民問題,每日都覺得幸福好似倒數中,大呻好辛苦,更詢問一眾網民有無好提議。(圖片來源:[email protected]
移民 不少網民紛紛留言,建議樓主與男友分手。
不少網民紛紛留言,建議樓主與男友分手。(圖片來源:[email protected]
移民 網民:移民真係要好大決心,都好難逼。
網民:移民真係要好大決心,都好難逼。(圖片來源:[email protected]

資料來源:[email protected]

圖片來源:[email protected]、《愛回家之開心速遞》劇照

最新吃喝玩樂資訊