生吞章魚
生吞章魚

內地網紅生吞章魚拍片吸點擊率!被觸角撕破面皮:「拔不下來了!」|網絡熱話

熱話

廣告

網紅為出位咩都做得出!平時睇韓國節目都有唔少生吞章魚嘅畫面,而生吞章魚喺韓國其實係一道美味佳餚,有唔少韓國人專門去高級餐廳去食呢道名菜。而生吞章魚就據聞可以食出真正鮮味,仲可以展示韓國人勇氣。但其實都幾危險下,因為如果你咀嚼唔充分嘅話,觸角上吸盤就可能會吸喺呼吸道上面,令人窒息死亡,有一名強國女網紅,想要表演生吞章魚而引起熱話。

撰文:B|圖片:YouTube@Learn in 15 Minutes、網上圖片

網紅為點擊率生吞章魚

網紅不時分享自己日常點滴,由化妝到成長、由收入到佢哋嘅學歷等都會成為網友關注嘅重點。而網紅嘅吸金力就源自於佢哋嘅點擊率同曝光率,所以有唔少網紅都無所不用其極,有乜方法去吸點擊同曝光就會去做!網絡界就興起生吞章魚,不少網紅將章魚頭放喺咀入面,觸手喺口外郁動,畫面配合網紅表情令唔少觀眾覺得有趣可笑,更贏得唔少的點擊率。

網絡界興起生吞章魚,不少網紅將章魚頭放喺咀入面,觸手喺口外郁動。(圖片來源:Pexels)
網絡界興起生吞章魚,不少網紅將章魚頭放喺咀入面,觸手喺口外郁動。(圖片來源:Pexels)

強國女網紅哭喊:臉都破了!

所以大家都想有樣學樣,呃Like同View!有一名強國女網紅,想要表演生吞章魚,結果章魚觸手吸實咗塊面,要用盡力氣先可以拉開隻章魚,途中見她驚叫「拔不下來了!痛痛痛!」!本身諗住開心吸點擊,點知最後喊住咁講「臉都破了!」

「臉都破了!」(圖片來源:YouTube@Learn in 15 Minutes)
「臉都破了!」(圖片來源:YouTube@Learn in 15 Minutes)
要用盡力氣先可以拉開隻章魚。(圖片來源:YouTube@Learn in 15 Minutes)
要用盡力氣先可以拉開隻章魚。(圖片來源:YouTube@Learn in 15 Minutes)

完全拉唔開隻章魚

睇條影片就見到個網紅將章魚放入咀後,章魚觸手立即吸住臉部,網紅塊面就好痛苦咁,完全拉唔開隻章魚。仲大叫「天啊!拔不下來了!痛痛痛!」章魚用觸手吸住咗網紅嘅咀、鼻、面,甚至眼皮嘅位置,最後雖然章魚移開,但係眼皮就留低一道血痕,個強國網紅仲喊住話「臉都破了!毀容了!」

最後雖然章魚移開,但係眼皮就留低一道血痕。(圖片來源:YouTube@Learn in 15 Minutes)
最後雖然章魚移開,但係眼皮就留低一道血痕。(圖片來源:YouTube@Learn in 15 Minutes)

至於網民睇完都指網紅好抵死,「想靠章魚爆紅」。亦有唔少人覺得個名網紅生吞章魚好殘忍,就算毀容都係報應。

撰文:B|圖片:YouTube@Learn in 15 Minutes、網上圖片