率先試食!紫薯菠蘿牛角包!【葵芳食乜好】
率先試食!紫薯菠蘿牛角包!【葵芳食乜好】

率先試食!紫薯菠蘿牛角包!【葵芳食乜好】

情報更新24/11/2015

紫薯迷停不了!早前先向大家介紹紫薯蛋撻,今次有紫薯菠蘿牛角包!不過,紫薯始終都幾滯,為了去掉膩感,加入了清甜菠蘿,令本來油膩的牛角包和紫薯蓉變得清新。食完呢款甜品,又可以繼續掃街掃食!

紫薯_菠蘿_牛角包
紫薯菠蘿牛角包 $28

試食報告:

牛角包:牛角包烘烤得香脆。
紫薯蓉:以新鮮紫薯煮熟再打成蓉,味道清香,不會太甜。
菠蘿:先煎香,再放在紫薯表面,味道清甜,可解掉紫薯的膩感。
總評:牛角包和紫薯的份量其實都多,就咁食的確幾滯,不過加了菠蘿後的紫薯牛角包,令原本比較清淡和膩的紫薯蓉變得清新,無咁滯。女孩的話,還是建議與人分享;男孩的話,食掉整個應該沒有難度。

紫薯_菠蘿_紫薯蓉
紫薯蓉以新鮮紫薯煮熟再打成蓉,味道清香,不會太甜。
紫薯_菠蘿_放菠蘿
菠蘿先煎香,再放在紫薯表面,味道清甜,可解掉紫薯的膩感。

以後大家去葵涌廣場又多一個地方食嘢啦!事關呢度開咗間窩夫店,Haru & P,賣嘅喺一支支 鐵塔窩夫 。你無睇錯,係可以好似串燒咁拎住食嘅窩夫。呢度推出嘅 鐵塔窩夫 有水果味、朱古力味和焦糖花生醬味,最近仲推出埋甜品界不可缺少的味道,綠茶紅豆味。除咗味道唔會過甜,最吸引之處喺佢上面仲鋪滿忌廉,又滑又香濃,真係冒住肥十磅嘅風險都要食佢。事不宜遲,馬上送上試食報告!

haru&p_窩夫_綠茶紅豆窩夫
綠茶紅豆 鐵塔窩夫 $18。窩夫就梗係熱食好食啦,呢度係即叫即整,新鮮出爐後即刻食就最正!

話說,記者上網睇到 鐵塔窩夫 張相,好似好長咁,的確佢係有返咁上下長度嘅,有成22cm長,不過真實睇又唔係真係好長好震撼。

haru&p_窩夫_22cm

反而,呢支窩夫最吸引的地方係佢上面個層濃濃的忌廉。店主話,呢個忌廉落足料,用純忌廉加糖粉,雖然整出來係會無咁企身,好易融,不過就好滑好濃,記者我係毫無猶豫地食晒成支。

haru&p_窩夫_擠忌廉

 

haru&p_窩夫_朱古力窩夫
七彩 鐵塔窩夫 $18。呢個窩夫入面有朱古力醬,再加上七彩的朱古力碎。
haru&p_窩夫_七彩窩夫
店主毫不吝嗇地放七彩朱古力和糖粉。

記者小分享:雖然呢支窩夫味道幾好,不過,建議大家可以同朋友分享,事關都幾膩,若然食晒成支,真係行晒成個葵涌廣場兩次都未必消耗到半支 鐵塔窩夫 的卡路里。

 

Haru & P除了有 鐵塔窩夫 ,仲有牛角包。呢度有咸味牛角包之外,仲有朱古力牛角包,各位朱古力迷,難道你會忍得住口唔食佢?

haru&p_窩夫_朱古力牛角包
黑白乳牛 $28。濃濃的黑白朱古力放入鬆軟的牛角包內,朱古力迷必試。
haru&p_窩夫_明太子
太子牛 $28。明太子沙津放入牛角包內,這個組合的確新鮮。

haru&p_窩夫_店面

Haru & P
地址:葵涌廣場2樓C07(顯示地圖
營業時間:星期一至五12:00-21:30;星期六12:00-22:00
電話:6932 0038

最新吃喝玩樂資訊