準新娘懷胎4月遭悔婚!奶奶不停放暗箭 未婚夫一句話令她徹底心寒
準新娘懷胎4月遭悔婚!奶奶不停放暗箭 未婚夫一句話令她徹底心寒

準新娘懷胎4月遭悔婚!奶奶不停放暗箭 未婚夫一句話令她徹底心寒|網絡熱話

熱話

廣告

既然做得準新娘,應該都預咗同男方屋企人好好相處。不過就有台灣網民喺爆怨公社發文,指自己懷孕4個月準備結婚,但係喺婚禮前2日竟然被未婚夫拋棄,原因竟然同未來奶奶有關?

懷胎4個月入住男家!準新娘突遭悔婚

有台灣女網民喺Facebook發「千字文」,指登記結婚前兩日,未婚夫竟然話性格不適合而悔婚,重點係女網民已經懷孕4個月。

女網友話自己隻身一人在未婚夫屋企住咗一年,同屋企人相處融洽。「地板髒了我就去掃、拖,水槽有碗我就去洗,他媽媽知道我喜歡吃的水果也會特意去買給我吃。」

準新娘 女網友話自己隻身一人喺未婚夫屋企住咗一年,同屋企人相處融洽。
女網友話自己隻身一人喺未婚夫屋企住咗一年,同屋企人相處融洽。(圖片來源:《婆媳誰怕誰》劇照)

籌辦婚禮 雙方經常發生爭執!戒指都係問人借?

不過為籌辦婚禮,雙方經常發生爭執,未來奶奶同樓主講,當初自己結婚男方只係畀咗封利是,嫁女餅都係由女方負責,戒指係結婚當日問人借,應該想暗示樓主唔好咁大想頭。未來奶奶:「我有四個兒子,你們結的是一場婚禮,我要辦四場。」

後來雙方家長又因為花車數目而鬧交,女方要6架車,而男方母親則表示只可以供應3架。之後,未來奶奶又拎住自己當年結婚嘅金器同女方講:「洗過之後同新嘅一樣」。

準新娘 不過為籌辦婚禮,雙方經常發生爭執。
不過為籌辦婚禮,雙方經常發生爭執。(圖片來源:《今生是第一次》劇照)

樓主話有日未婚夫突然透露未來奶奶喺背後中傷樓主,就好似話洗完水果畀樓主食,就話樓主嫌洗唔得乾淨。但樓主就話從來無嫌,亦無要求佢去洗生果。

準新娘 樓主話有日未婚夫突然透露未來奶奶喺背後中傷樓主。
樓主話有日未婚夫突然透露未來奶奶喺背後中傷樓主。(圖片來源:《BB來了》劇照)

男方反口:唔結婚啦!

之後又因為睇酒席而鬧交,男方話酒樓只有$10,800台幣嘅酒席,但係女方親身去酒樓詢問發現原來仲有$11,800台幣酒席可揀。於是準新娘樓主就希望男方可以同父母討論,但係男方問都未問就話決定唔結婚。

準新娘 為咗酒席而決定唔結婚!
為咗酒席而決定唔結婚!(圖片來源:《金秘書為何那樣》劇照)

一個月只會畀$7,000台幣(約$1,782港幣)贍養費

準新娘媽媽打電話畀男方問過究竟,女仔聽住成個過程,而男仔話如果BB由女方湊,男方一個月會畀7,000台幣(約1,782港幣)贍養費!後來女仔打電話比男仔和好,點知男生話決定唔復合,再反屈係準新娘媽媽要求男方每月畀7,000台幣贍養費,女生聽到心都寒埋啊!

準新娘 後來女仔打電話比男仔和好,點知男生話決定唔復合。
後來女仔打電話比男仔和好,點知男生話決定唔復合。(圖片來源:《BB來了》劇照)
準新娘 背後就係未來奶奶不停中傷!
背後就係未來奶奶不停中傷!(圖片來源:《BB來了》劇照)

文章發布後至今已獲得過萬回應,大部分網民都話好彩樓主喺結婚前就睇清呢個男人,亦有唔少人為樓主同BB打氣!

準新娘 如果男人都保護唔到自己未來老婆,不結也罷。
如果男人都保護唔到自己未來老婆,不結也罷。(圖片來源:爆怨公社@Facebook截圖)
準新娘 希望樓主好好加油!
希望樓主好好加油!(圖片來源:爆怨公社@Facebook截圖)

圖片來源:劇照、爆怨公社@Facebook截圖

最新吃喝玩樂資訊