港媽又發癲!嫌員工傾計太大聲嘈住個女 港媽鬧爆:「而家請你哋嚟吹水定做嘢啊?」|網絡熱話
港媽又發癲!嫌員工傾計太大聲嘈住個女 港媽鬧爆:「而家請你哋嚟吹水定做嘢啊?」|網絡熱話

港媽又發癲!嫌員工傾計太大聲嘈住個女 港媽鬧爆:「而家請你哋嚟吹水定做嘢啊?」|網絡熱話

港媽Mean爆發癲行為,相信大家都略有所聞,今次又有嘈邊樣呢?有網民投稿至Facebook專頁「西客之道HIspitality Secret」,分享有日去快餐店食早餐時,一名港媽指罵兩名快餐店員工傾計,仲教導個女要學好啲英文,可以寫英文信去總公司投訴。事件一出,都引嚟唔少網民留言大鬧港媽!

撰文:Evita|圖片:劇照、[email protected]西客之道

港媽鬧爆員工傾計太大聲

有網民投稿至Facebook專頁,指有日朝早去快餐店食早餐,隔幾張枱坐咗個港媽同一個目測一年級嘅女。後來有個50歲左右嘅員工A喺港媽附近執盤,之後同員工B傾兩句,而聲浪並無特別大聲,點知港媽大大聲鬧:「喂你兩個而家請你哋嚟吹水定做嘢啊?吹完未啊?」

示意圖,並非涉事店鋪(圖片來源:新假期資料庫)
示意圖,並非涉事店鋪(圖片來源:新假期資料庫)

員工A即刻同港媽講晒唔好意思,不過港媽話:「而家你哋喺到嘈住我個女食早餐啊!我要投訴你哋!叫你哋經理出嚟!」員工A依然講唔好意思,而員工B就選擇同港媽對罵。

(圖片來源:新假期資料庫)
無理港媽因食早餐時聽到M記員工傾偈而原地發癲。(圖片來源:新假期資料庫)

港媽大鬧:「抵你哋做死一世M記啦,我而家就投訴你,投訴到你連M記都無得做啊!我會寫email上你總公司投訴你添啊!」網民話員工A拉走員工B後,港媽就同個女講:「嗱!你要學好啲英文呀!到時遇到呢啲情況就可以寫英文Email去總公司投訴佢地㗎喇!知唔知呀?」

(圖片來源:《愛回家之開心速遞》劇照)
(圖片來源:《愛回家之開心速遞》劇照)
樓主就話終於明白點解香港有咁多西客,原來就係因為啲父母咁樣教仔女(圖片來源:西客之道Facebook截圖)
樓主就話終於明白點解香港有咁多西客,原來就係因為啲父母咁樣教仔女(圖片來源:[email protected]西客之道截圖)

網民鬧爆:「咁巴閉就唔好喺M記食啦!」

文章發布後,旋即獲得不少網民留言鬧爆港媽,有人話「咁巴閉就唔好喺M記食啦!」、「人品唔好,讀幾多書都無用」、「狗眼看人低」等等。

職業無分貴賤,又真係唔需要鬧人:「抵你一世做XXX嘅」(圖片來源:西客之道Facebook截圖)
職業無分貴賤,又真係唔需要鬧人:「抵你一世做XXX嘅」(圖片來源:[email protected]西客之道截圖)
(圖片來源:西客之道Facebook截圖)
其實依家返兼職嘅年輕人裡面都不乏自力更新的大學生,所以唔係讀唔成書先返辛苦工!(圖片來源:[email protected]西客之道截圖)

唔知大家對呢件事又有咩睇法呢?

撰文:Evita | 圖片:劇照、[email protected]西客之道

即睇更多:港媽轟酒店無為兒子生日升級房間! 網民批:「唔係老奉要為你升級!」|網絡熱話

港媽又發癲!嫌員工傾計太大聲嘈住個女 港媽鬧爆:「抵你一世做麥記!」|網絡熱話
(圖片來源:新假期)

關鍵詞
網絡熱話

最新吃喝玩樂資訊