大肚港媽為護女 投訴動粗小朋友!反被對方媽媽詛咒「小心流產啊!」|網絡熱話
大肚港媽為護女 投訴動粗小朋友!反被對方媽媽詛咒「小心流產啊!」|網絡熱話

大肚港媽為護女 投訴動粗小朋友!反被對方媽媽詛咒「小心流產啊!」|網絡熱話

港媽為咗護女反而被詛咒流產!小朋友之間有磨擦好正常,不過郁手郁腳就有問題喇。有媽媽級網民投稿至生仔要考牌系列Facebook專頁,回想一年半前女兒畀小朋友打,點知反被對方媽媽惡言相向!

撰文:Evita|圖片:康文署、生仔要考牌系列 Facebook、新傳媒資料室

女兒被掌摑 懷孕港媽護女被詛咒流產

有網民投稿至Facebook專頁,指一年半前,當時懷孕9個月嘅佢帶住2歲半嘅女到公園玩,有一個同佢囡囡差唔多大嘅男生同囡囡爭公園玩具,但係男仔突然兜把打落囡囡塊臉,囡囡塊臉即時紅晒,網民見狀就出聲話個小朋友。

網民:「小朋友,你唔可以打人㗎喎,公園大家一齊玩,大家可以做好朋友。」

掌摑
公園示意圖(圖片來源:新傳媒資料室)

點知個男仔用力踢網民個女,而男仔個媽媽一直傾緊電話,見唔對路就衝咗埋去。

網民:「你好,你仔仔又打又踢我個女喎!」

而男仔阿媽就用唔鹹唔淡嘅廣東話回應:「咁又點啊?」

小朋友打鬧期間父母有責任看管。(圖片來源:pexels)
小朋友打鬧期間父母有責任看管。(圖片來源:pexels)

網民:「佢打人喎!」

對方:「咁你咪叫你個女打番佢囉!」

網民:「我唔會囉,佢唔啱應該好好同佢講,我唔會教我個女打人。」

對方:「再講打埋你啊,生咗個女好叻啊,你個女好巴閉咩,唔打得啊?」

網民:「我個女緊係唔打得啦,我無啦啦打你個仔得唔得啊?」

點知對方竟然用粗口鬧網民:「生啦生啦,香港人威啦,生埋啲垃圾,小心流產啊,生個傻嘅,生個白痴嘅,生個有問題嘅,睇你點罵!」(文字經過修飾)

係公園有打鬧時有發生。(圖片來源:pexels)
係公園有打鬧時有發生。(圖片來源:pexels)

如是者,網民以為呢件事就咁算數。點知發現兩個小朋友係同一間學校之餘仲要係同班,網民問大家:「我係咪好慘?」

《Baby復仇記》(圖片來源:)
自己個女畀人恰仲要被咒流產!(圖片來源:《Baby復仇記》)
自己個女畀人恰仲要被咒流產!(圖片來源:pexels)
點知仲要係同班同學仔!(圖片來源:pexels)

網民留言:要反擊!

事件獲得唔少網民留言回應,有人就話應該要教小朋友以牙還牙,對方「誠邀」自己打佢個仔就應該唔好畀面,有人更建議樓主應該報警告佢傷人。

網民就認為樓主應該要反擊!(圖片來源:生仔要考牌系列 Facebook)
網民就認為樓主應該要反擊!(圖片來源:生仔要考牌系列 Facebook)
遇到呢啲情況拍片都好有用。(圖片來源:生仔要考牌系列 Facebook)
遇到呢啲情況拍片都好有用。(圖片來源:生仔要考牌系列 Facebook)

撰文:Evita | 圖片:康文署生仔要考牌系列Facebook

 

最新吃喝玩樂資訊