港人變得超無禮貌 2行為當發洩 網民勁認同:唔該借借已消失
廣告
日常禮貌如簡單一句「唔該借借」、「唔好意思」近日似乎在社會上消失。日前有網民分享自身經歷和想法,在討論區上以「香港人行街係咪唔會再講『唔該借借』、『唔好意思』?」發帖文,直指香港人已經不再如往時一樣禮讓、互相體諒。
港人變得愈來愈冇禮貌!日常2行為當發洩
網民以「香港人行街係咪唔會再講『唔該借借』、『唔好意思』?」開放討論,慨嘆兒時外出時,街上的人多以禮相待;例如想穿過人群時會講一聲「唔該借借」,發生無意碰撞時亦會講「唔好意思」,但近日此況不再。
![冇禮貌 網民表示香港人愈來愈無禮貌。示意圖,非當事人)](https://imgs.weekendhk.com/wp-content/uploads/2023/05/-2023-05-06-12.09.31_124304889664552bd4e8167-1024x889.png)
他觀察到近年因疫情嚴重,令整體社會的壓力增大,因此街上不少途人都似乎透過出街發洩個人情緒及不滿。主要有2行為十分常見,黑面和撞人,例如在港鐵上用袋撞人卻若無其事、在扶手電梯上插隊等事幾乎每天都在身邊上演。他描述走上街有如玩碰碰車,途人即使迎面而來亦不會主動讓路,彷彿讓路者是輸家一樣,令網民大呻「出街日日都都畀人撞咁滯,你玩埋我嗰份」。
![港人 冇禮貌 故意撞人、在港鐵上用袋撞人卻若無其事、在扶手電梯上插隊等事幾乎每天都在身邊上演。示意圖,非當事人)](https://imgs.weekendhk.com/wp-content/uploads/2023/05/-2023-05-06-12.10.04_53459104964552bdcbc575-1024x684.png)
網民大嘆壓力大要移民:「冇聽過人講對唔住」
網民又指大部分途人眼中都有戾氣,彷似與世為敵,但大部分人都是欺善怕惡,就算遇到不公義的事,都沒有多少人願意出聲,例如遇到以上撞人、插隊事件時大多數人都未能直斥其非,只會暗地裡再用撞人報復達至自我感覺良好,非常小人。本身生得還算高大的網民回想幾乎每天外出都會被撞,但卻從未聽過一句「對不起」、「不好意思」,對社會上既不禮讓又若無其事的自私途人表示失望。甚至有人認為香港已不適合生活,「日日都畀人撞,好似唞唔到氣咁」,更稱很快便會移民離開。
![港人 冇禮貌 網民誇張表示冇聽過人講對唔住。示意圖,非當事人)](https://imgs.weekendhk.com/wp-content/uploads/2023/05/-2023-05-06-12.18.22_29433491664552c5598a3d-1024x475.png)
網民明港人壓力大:其實笑下,點個頭就解決到
有網民回應其實不迴避又橫衝直撞的事從以前起常有發生,自己偏向會講「唔該借借」,但多數對方都會充耳不聞甚至黑面。他更表示明白香港人壓力大,但如若因趕時間撞到人,其實點個頭笑一笑都會令被撞的一方舒服點。
![港人 冇禮貌 但亦有網民表示冇做錯唔應該讓步。示意圖,非當事人)](https://imgs.weekendhk.com/wp-content/uploads/2023/05/-2023-05-06-12.15.47_111636762364552cc04e8d5-1024x475.jpg)
圖片來源:TVB《親親我好媽》劇照、TVB《愛回家之開心速遞》劇照