母乳媽媽於飯聚餵奶被奶奶批評 頓變親戚焦點感難受:女人唔好難為女人|網路熱話
母乳媽媽於飯聚餵奶被奶奶批評 頓變親戚焦點感難受:女人唔好難為女人|網路熱話

母乳媽媽於飯聚餵奶被奶奶批評 頓變親戚焦點感難受:女人唔好難為女人|網路熱話

母乳 媽媽平日要面對不少困難,最大問題一定是找地方餵母乳。雖然現在很多商場都有設立育嬰室,然而一些舊式酒樓沒有,令母乳媽媽甚為頭痛。昨日一名港媽於社交平台發文大呻奶奶在親戚面前單單打打,批評母乳媽媽,令她非常尷尬。事後老公幫她講說話,惟奶奶仍堅持自己沒有說錯。

撰文:Clara | 資料、圖片授權:「我的極品四大長老」、SHUTTERSTOCK|原文刊於:Sunday Kiss

母乳港媽硬著頭皮出席飯聚

昨日,有名港媽於Facebook專頁「我的極品四大長老」投稿,講述被奶奶單單打打的經歷。這名媽媽育有幾個月大的BB,平時餵母乳給BB吃。有次媽媽得知自己要出席老公親戚的飯聚,心中有點顧慮,於是向老公求助:「我係餵母乳媽媽,怕飯聚間時要餵母乳,令到各位焦點落喺我身上,而酒樓附近又沒有育嬰室,所以出席前老公已經講咗個問題畀奶奶聽。」老公將情況告訴奶奶,惟奶奶不接納這個解釋:「如果係驚就去廁所餵母乳!」媽媽聽到非常生氣,暗忖:咁點解99你唔去廁所食飯?完全一啲常識都無!雖然媽媽內心很不滿,不想出席飯聚,但怕奶奶責備不尊重她,讓她失面子,所以硬著頭皮出席:「我唔想老公難做。」

母乳港媽硬著頭皮出席飯聚(非當事人)
母乳港媽硬著頭皮出席飯聚(非當事人)

港媽餵母乳被奶奶單單打打

去到飯聚中途,BB肚餓想吃奶,媽媽於是用餵奶巾餵奶,怎料奶奶突然同親戚講:「得罪講句吖,以前啲人餵奶粉㗎嘛,係依家啲人先話餵母乳,話餵母乳有幾好點點點咁…」親戚們聽到,馬上望住媽媽指指點點。媽媽深感尷尬,覺得奶奶的舉動令她難堪:「同枱親戚係有男有女,嗰一刻真係好難受,明明一開始同奶奶講咗個顧慮問題,但最終係奶奶令到我餵奶變咗焦點。」

港媽餵母乳被奶奶單單打打(非當事人)
港媽餵母乳被奶奶單單打打(非當事人)

老公心痛護妻

事後老公斥責其母,問她為甚麼要在飯聚時講那些說話,令他老婆感到尷尬萬分。但其母理直氣壯地反駁是他們自己對號入座。港媽透過老公口中得知事件,直言嬲到「火都嚟」,她認為奶奶不應批評她餵母乳:「我唔餵母乳嘅時候,奶奶你唔講嘅,我一餵你就開聲講餵母乳呢個話題?你以前餵奶粉唔一定我都要餵奶粉!其實唔支持母乳真係唔緊要,我亦明白奶粉都係可以令小孩成長,只不過我選擇餵母乳,請你都尊重我,唔好女人難為女人!」

網民支持母乳媽媽

帖文引來不少媽媽網民留言,她們覺得餵母乳還是餵奶粉都沒有問題:「其實奶粉同母乳都好,爸爸媽媽選擇咗用邊個方法餵奶,真係唔輪到外人出聲。」有網民鼓勵港媽:「唔使覺得尷尬,餵母乳可以抬頭挺胸,理直氣壯,有好多人想餵未必有得餵,又唔係露出嚟畀佢睇。」、「我覺得餵母乳係好偉大嘅事,因為我啲仔女都係食母乳!餵母乳嘅辛酸,誰餵誰知道!」亦有網民建議港媽預早泵定奶:「可唔可以預早泵定人奶,我30年前都係餵人奶,都係預早泵定人奶,係麻煩啲,至少解決問題。」

網民支持母乳媽媽(facebook截圖)
網民支持母乳媽媽(facebook截圖)

母乳媽媽於飯聚餵奶被奶奶批評 頓變親戚焦點感難受:女人唔好難為女人| 網路熱話

最新吃喝玩樂資訊